கோடி கோடியாய் சம்பாதித்து ரியல் எஸ்டேட்டில் பணத்தை கொட்டும் ராஷ்மிகா மந்தனாவின் சொத்து மதிப்பு இத்தனை கோடியா?
தமிழ், தெலுங்கு, இந்தி என பல்வேறு மொழிகளில் பிசியாக நடித்து வரும் நடிகை ராஷ்மிகா மந்தனாவின் வியக்க வைக்கும் சொத்து மதிப்பு பற்றி பார்க்கலாம்.
rashmika Mandanna
கர்நாடகாவை சேர்ந்தவர் ராஷ்மிகா. இவர் ரிஷப் ஷெட்டி இயக்கத்தில் கடந்த 2016-ம் ஆண்டு வெளிவந்த கிரிக் பார்ட்டி படம் மூலம் நடிகையாக அறிமுகமானார். அப்படம் ஹிட்டானதும் தெலுங்கு சினிமாவில் இருந்தும் ராஷ்மிகாவுக்கு பட வாய்ப்புகள் வந்தன. இதையடுத்து தெலுங்கில் கீதா கோவிந்தம் படத்தில் விஜய் தேவரகொண்டாவுக்கு ஜோடியாக நடித்ததன் மூலம் பட்டிதொட்டியெங்கும் பேமஸ் ஆனார் ராஷ்மிகா. அப்படம் பிளாக்பஸ்டர் ஹிட் ஆனது.
Rashmika
கீதா கோவிந்தம் படம் வெற்றியடைந்ததற்கு ராஷ்மிகா - விஜய் தேவரகொண்டா இருவருக்கும் இடையேயான கெமிஸ்ட்ரி தான் காரணம். இதனால் அடுத்த படத்தில் மீண்டும் விஜய் தேவரகொண்டாவுடன் ஜோடி சேர்ந்தார் ராஷ்மிகா. இந்த வெற்றிக்கூட்டணியில் வெளிவந்த டியர் காம்ரேட் திரைப்படமும் பிரம்மாண்ட வெற்றியை ருசித்ததால் ராஷ்மிகாவின் மார்க்கெட் மளமளவென உயர்ந்தது. இதையடுத்து மகேஷ் பாபு, அல்லு அர்ஜுன் போன்ற முன்னணி நடிகர்களுக்கு ஜோடியாக நடித்து டாப் ஹீரோயினாக உருவெடுத்தார்.
Animal movie heroine rashmika
டோலிவுட்டை தொடர்ந்து கார்த்தியின் சுல்தான் படம் மூலம் கோலிவுட்டில் எண்ட்ரி கொடுத்த ராஷ்மிகா, இரண்டாவது படத்திலேயே நடிகர் விஜய்யுடன் ஜோடி சேர்ந்து நடித்து கோலிவுட்டிலும் மர்க்கெட்டை பிடித்தார். தற்போது இவர் நடிப்பில் தமிழில் ரெயின்போ என்கிற திரைப்படம் உருவாகி வருகிறது. இதுதவிர இந்தியில் ராஷ்மிகாவுக்கு செம்ம டிமாண்ட் உள்ளது. அவர் நடிப்பில் அண்மையில் இந்தியில் ரிலீஸ் ஆன அனிமல் திரைப்படம் பாக்ஸ் ஆபிஸில் நான்கே நாட்களில் ரூ.425 கோடிக்கு மேல் வசூலை வாரிக்குவித்து உள்ளது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
Rashmika Mandanna salary
இப்படி பான் இந்தியா அளவில் பிரபலமான நடிகையாக வலம் வரும் ராஷ்மிகா, குறுகிய காலத்தில் முன்னணி நடிகை அந்தஸ்த்தை பிடித்திருக்கிறார். தற்போது தமிழில் 2 படம், தெலுங்கில் 2 படம், இந்தியில் 3 படம் என ராஷ்மிகாவிடம் அரை டஜன் படங்கள் உள்ளன. பட வாய்ப்பு குவிவதால் படத்துக்கு படம் சம்பளத்தையும் கூட்டி வருகிறார் ராஷ்மிகா. கடந்த ஆண்டு வரை ஒரு படத்துக்கு ரூ.3 கோடி சம்பளமாக வாங்கி வந்த ராஷ்மிகா, பாலிவுட் போனதும் தன் சம்பளத்தை ரூ.4 கோடியாக உயர்த்தி இருக்கிறார்.
Rashmika Mandanna Net Worth
27 வயதில் கோடீஸ்வரியாக வலம் வரும் ராஷ்மிகாவுக்கு பெங்களூரு, கோவா, கூர்க், ஐதராபாத் மற்றும் மும்பை உள்ளிட்ட நகரங்களில் சொந்தமாக வீடுகளும் உள்ளன. இதில் பெங்களூருவில் இவருக்கு சொந்தமாக உள்ள ஆடம்பர பங்களாவின் மதிப்பு மட்டும் ரூ.8 கோடி இருக்குமாம். சினிமாவை தவிர்த்து விளம்பரங்கள் மூலம் பல கோடிகளை சம்பாதித்து வருகிறார் ராஷ்மிகா. இவரின் சொத்து மதிப்பு மட்டும் ரூ.45 முதல் ரூ.50 கோடி இருக்கும் என கூறப்படுகிறது.
Rashmika Mandanna car collection
நடிகை ராஷ்மிகாவுக்கு கார்களின் மீதும் அலாதி பிரியம் உண்டு. இதனால் இவரிடம் ஆடி Q3, ரேஞ்ச் ரோவர் ஸ்போர்ட், டொயோட்டா இனோவா, மெர்சிடிஸ் பென்ஸ் சி கிளாஸ், ஹுண்டாய் கிரிட்டா உள்ளிட்ட கார்கள் உள்ளன. இதில் நவீன அம்சங்கள் நிறைந்த ஜெர்மன் எஸ்யுவி காரான ஆடி Q3-ஐ தான் ராஷ்மிகா அதிகம் பயன்படுத்துவாராம். அதுமட்டுமின்றி இவர் சினிமாவில் கோடி கோடியாய் சம்பாதிக்கும் பணத்தை பெரும்பாலும் ரியல் எஸ்டேட்டில் தான் முதலீடு செய்து வருகிறாராம்.
இதையும் படியுங்கள்... பிக்பாஸில் இருந்து எலிமினேட் ஆனதும் யுகேந்திரனுக்கு அடித்த ஜாக்பாட்... வீடுதேடி வந்த பிரம்மாண்ட பட வாய்ப்பு
சேனலை கிளிக் செய்து பின்தொடரவும்
