பிக்பாஸில் இருந்து எலிமினேட் ஆனதும் யுகேந்திரனுக்கு அடித்த ஜாக்பாட்... வீடுதேடி வந்த பிரம்மாண்ட பட வாய்ப்பு
பிக்பாஸ் நிகழ்ச்சியின் 7-வது சீசனில் போட்டியாளராக கலந்துகொண்ட யுகேந்திரன், அந்நிகழ்ச்சியில் இருந்து எலிமினேட் ஆனதும் அவருக்கு பிரம்மாண்ட பட வாய்ப்பு ஒன்று கிடைத்துள்ளது.
yugendran
தமிழ் சினிமாவில் பின்னணி பாடகராக கொடிகட்டிப் பறந்தவர் மலேசியா வாசுதேவன். அவரின் மகன் யுகேந்திரனும் தமிழில் பல சூப்பர் ஹிட் பாடல்களைப் பாடி உள்ளதோடு, வில்லனாகவும் தன் நடிப்புத் திறமையை வெளிப்படுத்தி உள்ளார். அஜித், விஜய் போன்ற முன்னணி நடிகர்களுடன் நடித்துள்ள யுகேந்திரன், ஒருகட்டத்தில் சினிமாவை விட்டு விலகி குடும்பத்துடன் நியூசிலாந்தில் செட்டில் ஆனார். இதையடுத்து தமிழ் சினிமா பக்கம் அவர் தலைகாட்டவே இல்லை.
BiggBoss yugendran
இந்த நிலையில், பிக்பாஸ் வாய்ப்பு கிடைத்ததும் மீண்டும் இந்தியாவுக்கு திரும்பிய யுகேந்திரன், பிக்பாஸ் நிகழ்ச்சியின் 7-வது சீசனில் போட்டியாளராக களமிறங்கினார். இந்த சீசனில் வந்த சில வாரத்திலேயே கேப்டன் ஆகவும் தேர்வான யுகேந்திரன், இறுதி வரை செல்வார் என எதிர்பார்க்கப்பட்ட நிலையில், திடீரென நான்காவது வாரத்தில் நடந்த டபுள் எவிக்ஷனில் சிக்கி ஒரு மாதத்திலேயே அந்நிகழ்ச்சியில் இருந்து எலிமினேட் ஆகினார்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
Yugendran in Thalapathy 68
பிக்பாஸ் நிகழ்ச்சியில் இருந்து வெளியேறினாலும் தன் மனைவி உடன் சேர்ந்து பிக்பாஸ் நிகழ்ச்சியை விமர்சனம் செய்து வருகிறார் யுகேந்திரன். அவர் மீண்டும் சினிமாவில் ஒரு ரவுண்டு வர வேண்டும் என்பதற்காகவே பிக்பாஸுக்கு வந்ததாக கூறி இருந்தநிலையில், தற்போது பிக்பாஸ் நிகழ்ச்சியில் இருந்து வெளியேறிய பின்னர் யுகேந்திரனுக்கு ஒரு பிரம்மாண்ட படத்தில் நடிக்கும் வாய்ப்பு வீடுதேடி வந்துள்ளது.
Thalapathy 68 movie
அது வேறெதுவுமில்லை விஜய் நடிப்பில் உருவாகி வரும் தளபதி 68 படம் தான். இந்த படத்தில் முக்கிய கதாபாத்திரத்தில் நடிக்க யுகேந்திரன் கமிட் ஆகி உள்ளதாக கோலிவுட் வட்டாரத்தில் தகவல் பரவி வருகிறது. யுகேந்திரன் இதற்கு முன்னதாக விஜய்யுடன் சேர்ந்து திருப்பாச்சி படத்தில் நடித்திருந்தார். அதன்பின்னர் 18 ஆண்டுகள் கழித்து மீண்டும் விஜய்யுடன் இணைந்துள்ளார். தளபதி 68 படத்தை இயக்கும் வெங்கட் பிரபு, யுகேந்திரனின் நெருங்கிய நண்பர் என்பது குறிப்பிடத்தக்கது.
இதையும் படியுங்கள்... வெள்ளத்தில் மிதக்கும் வீடு... யாரும் உதவ வரல; நிலைமை மோசமா இருக்கு! உதவிக்காக காத்திருக்கும் விஷ்ணு விஷால்
சேனலை கிளிக் செய்து பின்தொடரவும்
