சில்வர்ஜரி பட்டு சேலையில்.. வெள்ளி சிலை போல் நின்று விதவிதமாக போஸ் கொடுத்த ஸ்ருதி ஹாசன்! வியக்க வைத்த போட்டோஸ்
நடிகை ஸ்ருதி ஹாசன் சில்வர் ஜரி பட்டு சேலை அணிந்து எடுத்து கொண்ட போட்டோஸ் தற்போது சமூக வலைதளத்தில் வைரலாக பார்க்கப்பட்டு வருகிறது.
கோலிவுட் திரையுலகில் உலகநாயகன் என்கிற பட்டத்தை தனதாக்கி கொண்டுள்ள, நடிகர் கமல்ஹாசனின் மூத்த மகள் தான் ஸ்ருதி ஹாசன். ஆரம்பத்தில் இசை மீது ஆர்வம் காட்டிய ஸ்ருதி, பின்னர் நடிப்பில் கவனம் செலுத்த துவங்கினார்.
இயக்குனர் ஏ.ஆர்.முருகதாஸ் இயக்கத்தில் வெளியான '7 ஆம் அறிவு' படத்தின் மூலம் ஹீரோயினாக தமிழில் அவதாரம் எடுத்த ஸ்ருதி ஹாசன், முதல் படத்திலேயே நடிகர் சூர்யாவுக்கு ஜோடியாக நடித்தார்.
இந்த படத்தை தொடர்ந்து இயக்குனர் ஹரி இயக்கத்தில் விஷாலுக்கு ஜோடியாக பூஜை, ஐஸ்வர்யா ரஜினிகாந்த் இயக்கத்தில் தனுஷுக்கு ஜோடியாக 3, சிம்பு தேவன் இயக்கத்தில் விஜய்க்கு ஜோடியாக புலி, சிறுத்தை சிவா இயக்கத்தில் வெளியான அஜித்தின் வேதாளம் போன்ற பல படங்களில் அடுத்தடுத்து நடித்தார்.
தென்னிந்திய மொழிகளை கடந்த, ஆண்டவரின் மகள் சில ஹிந்தி படங்களிலும் நடித்துள்ளார். குறிப்பாக இவர் நடிக்க துவங்கியதே ஹிந்தி படத்தில் தான். 2009 ஆம் ஆண்டு வெளியான லக் என்ற படத்தில் தான் அறிமுகமானார்.
இதை தொடர்ந்து ஹிந்தியில் அடுத்ததடுத்து சில படங்களில் நடித்த போதும், தென்னிந்திய திரையுலகில் ஜொலிக்க முடிந்த அளவுக்கு... பாலிவுட் திரையுலகில் இவரால் சோபிக்க முடியவில்லை.
இவர் நடிப்பில் கடைசியாக வெளியான திரைப்படம், நடிகர் பிரபாஸ் நடிப்பில், பிரஷாந்த் நீல் இயக்கத்தில் வெளியாகி...சூப்பர் டூப்பர் ஹிட் அடித்த, சலார். இந்த படம் பிரபாஸுக்கும் நீண்ட இடைவெளிக்கு பின்னர் ஹிட் படமாக அமைந்தது குறிப்பிடத்தக்கது.
இதுவரை ஸ்ருதிஹாசனின் அடுத்த பட வாய்ப்புகள் குறித்து எதுவும் வெளியாகாத நிலையில், அவ்வப்போது விதவிதமான போட்டோ ஷூட் நடத்தி, அதன் புகைப்படங்களை தொடர்ந்து வெளியிட்டு வருகிறார். பொதுவாக மாடர்ன் உடைகளில் அளவு கடந்த கவர்ச்சியில் போட்டோ ஷூட் நடத்துவதை வழக்கமாக வைத்துள்ள இவர், தற்போது ட்ரடிஷ்னலாக, சில்வர்ஜரி தரித்த பட்டு சேலையில் போஸ் கொடுத்துள்ளார். இந்த புகைப்படம் வைரலாக பார்க்கப்பட்டு வருகிறது.