கையில் டாட்டூவுடன்... மெர்சலான லுக்கில் ரசிகர்கள் மனதை மெல்ட் செய்யும் சூர்யா! வைரலாகும் போட்டோ ஷூட் கிளிக்!
நடிகர் சூர்யா தன்னுடைய சமூக வலைதள பக்கத்தில், போஸ்ட் ஷூட்டிங்கின் போது எடுக்கப்பட்ட போட்டோ ஷூட் புகைப்படங்களை பகிர்த்துள்ள நிலையில், அது வைரலாக பார்க்கப்பட்டு வருகிறது.
தமிழ் சினிமாவில் முன்னணி நடிகராக இருக்கும் சூர்யா, தொடர்ந்து வித்தியாசமான கதைக்களம் கொண்ட திரைப்படங்களையும், சவாலான கதாபாத்திரங்களையும் தேர்வு செய்து நடிக்க ஆர்வம் காட்டி வருகிறார். அதே போல், சண்டை காட்சிகளில் கூட டூப் போட்டு நடிப்பதை தவிர்த்து.. அவரே துணிந்து நடிகர்.
அந்த வகையில் தற்போது சிறுத்தை சிவா இயக்கத்தில், இதுவரை சூர்யா நடித்த திரைப்படங்களில் இருந்து மிகவும் வித்தியாசமான ஃபேண்டஸி கதைக்களத்தில் உருவாகியுள்ள திரைப்படம் 'கங்குவா'. இதில் சூர்யா சுமார் 6 கெட்டப்பில் அசராமல் நடித்துள்ளதாக கூறப்படுகிறது. அவ்வப்போது இந்த படம் குறித்த அப்டேட்களையும் படக்குழுவினர் வெளியிட்டு வருகிறார்கள்.
தற்போது ரசிகர்களின் எதிர்பார்ப்புக்கு தீனி போடும் விதத்தில், நடிகர் சூர்யா அவருடைய இன்ஸ்டாகிராம் பக்கத்தில் ஒரு புகைப்படத்தை வெளியிட்டுள்ளார். கங்குவா படத்தின் போஸ்ட் ஷூட்டிங்கின் போது எடுக்கப்பட்ட போட்டோஷூட் புகைப்படம் இது என தெரிவித்துள்ளார்.
இந்த புகைப்படத்தில் கருப்பு கலர் கோட் அணிந்துள்ளார். அவரின் கைகளில் சில எழுத்துகளுடன் கூடிய டாட்டோவும் உள்ளது. செம்ம ஸ்டைலிஷாக தலையில் ஹேர் கலரிங்குடன் உள்ளார். மற்ற கதாபாத்திரங்கள் வரலாற்று பரிமாணத்தை நினைவூட்டும் வகையில் உள்ள நிலையில், இந்த லுக் கொஞ்சம் மாடலாக உள்ளதால்... இந்த கேரக்டர் பற்றிய சுவாரஸ்யம் கூடி உள்ளதாக ரசிகர்கள் தெரிவித்து வருகிறார்கள்.
சேனலை கிளிக் செய்து பின்தொடரவும்
