விஜய் டிவி சீரியல் நடிகை ஹீரோயினாக நடிக்கும் நடிகர் கார்த்தியின் அடுத்த படத்துக்கு இப்படி ஒரு அழகான டைட்டிலா?
ஜப்பான் படத்தின் தோல்விக்கு பின்னர் நடிகர் கார்த்தி நடிப்பில் உருவாகி வரும் புதிய படத்திற்கு வைக்கப்பட்டுள்ள டைட்டில் குறித்த தகவல் இணையத்தில் கசிந்துள்ளது.
swathi konde, Karthi
தமிழ் சினிமாவில் டாப் கியரில் சென்றுகொண்டிருந்த நடிகர் என்றால் அது கார்த்தி தான். கடந்த 2022-ம் ஆண்டு அவர் நடிப்பில் வெளிவந்த விருமன், பொன்னியின் செல்வன் மற்றும் சர்தார் ஆகிய மூன்று படங்களும் பிளாக்பஸ்டர் ஹிட் ஆகின. இதையடுத்து கடந்த வருடம் கார்த்தி நடிப்பில் முதலாவதாக வெளிவந்த பொன்னியின் செல்வன் 2 திரைப்படம் வெற்றியடைய, அடுத்ததாக கடந்த தீபாவளிக்கு திரைக்கு வந்த ஜப்பான் படுதோல்வியை சந்தித்துள்ளது.
Karthi
நடிகர் கார்த்தியின் கெரியரில் மிகப்பெரிய தோல்வி படமாக ஜப்பான் அமைந்துள்ளது. இப்படத்தில் தோல்வியில் இருந்து மீளும் நோக்கில் அடுத்தடுத்து தரமான படங்களை கொடுக்கும் முடிவுக்கு வந்துள்ள கார்த்தி, கதை தேர்விலும் கவனம் செலுத்தி வருகிறார். அவர் நடிப்பில் தற்போது உருவாகி வரும் புதிய படத்தை 96 படத்தின் இயக்குனர் பிரேம் குமார் இயக்கி வருகிறார். இப்படத்தில் கார்த்தி உடன் நடிகர் அரவிந்த் சாமியும் முக்கிய கதாபாத்திரத்தில் நடிக்கிறார்.
இதையும் படியுங்கள்... என்னுடைய பயோபிக்கில் நடிக்க கரெக்ட் ஆன ஆளு அந்த ஹீரோ தான் - சிக்சர் மன்னன் யுவராஜ் சிங் விருப்பம்
Karthi, Premkumar
இப்படத்தில் ஹீரோயினாக சீரியல் நடிகை சுவாதி கொண்டே நடித்துள்ளார். இவர் விஜய் டிவியில் ஒளிபரப்பான ஈரமான ரோஜாவே 2 சீரியலில் ஹீரோயினாக நடித்தவர் ஆவார். இப்படத்தின் மூலம் கோலிவுட்டில் ஹீரோயினாக காலடி எடுத்து வைத்துள்ளார் சுவாதி. கார்த்தியின் 27-வது படமான இதன் படப்பிடிப்பு விறுவிறுப்பாக நடைபெற்று வருகிறது. கும்பகோணம், மதுரை உள்ளிட்ட பகுதிகளில் படப்பிடிப்பை நடத்தி வருகின்றனர்.
Karthi 27 Title Mei Azhagan
இந்த நிலையில், இப்படத்தில் டைட்டில் குறித்த தகவல் கசிந்துள்ளது. அதன்படி இப்படத்திற்கு மெய் அழகன் என பெயரிடப்பட்டு உள்ளதாக கூறப்படுகிறது. அழகான தமிழ் பெயருடன் கூடிய இந்த டைட்டில் லீக் ஆகி உள்ளதால், விரைவில் இதுகுறித்த அதிகாரப்பூர்வ அறிவிப்பை படக்குழுவே வெளியிடும் என எதிர்பார்க்கப்படுகிறது. இப்படம் இந்த ஆண்டு திரைக்கு வர உள்ளது குறிப்பிடத்தக்கது.
இதையும் படியுங்கள்... கணவருக்கே கல்தாவா? விக்னேஷ் சிவனின் எல்ஐசி படத்தில் இருந்து விலகும் நயன்தாரா - காரணம் என்ன?