என்னுடைய பயோபிக்கில் நடிக்க கரெக்ட் ஆன ஆளு அந்த ஹீரோ தான் - சிக்சர் மன்னன் யுவராஜ் சிங் விருப்பம்

இந்திய கிரிக்கெட்டில் மறக்க முடியாத பல்வேறு சாதனைகளை படைத்தவர் யுவராஜ் சிங். டி20 கிரிக்கெட்டில் ஒரே ஓவரில் ஆறு சிக்சர்கள் விளாசிய மாபெரும் சாதானைக்கு சொந்தக்காரரும் இவர் தான். அதுமட்டுமின்றி இந்தியா கடந்த 2011-ம் ஆண்டு இரண்டாவது முறையாக உலகக்கோப்பையை வென்றதற்கு முக்கிய காரணமும் யுவராஜ் சிங் தான். அவரின் ஆல்ரவுண்ட் பர்பார்மன்ஸ் தான் இந்திய அணியின் வெற்றிக்கு வித்திட்டது.

இவரது வாழ்க்கை என்பது பல்வேறு ஏற்ற இறக்கங்கள் மற்றும் வெற்றி தோல்விகளை சந்தித்தது. குறிப்பாக இவர் கேன்சரால் பாதிக்கப்பட்டு அதில் இருந்து மீண்டு வந்ததெல்லாம் யாராலும் அவ்வளவு எளிதில் மறந்துவிட முடியாது. இப்படி பல்வேறு சாதனைகளுக்கு சொந்தக்காரராக இருக்கும் யுவராஜ் சிங்கின் வாழ்க்கைக் கதையை படமாக எடுக்கப்பட வேண்டும் என ரசிகர்களும் விருப்பம் தெரிவித்துள்ளனர்.

இதையும் படியுங்கள்... கணவருக்கே கல்தாவா? விக்னேஷ் சிவனின் எல்ஐசி படத்தில் இருந்து விலகும் நயன்தாரா - காரணம் என்ன?

இந்த நிலையில், சமீபத்தில் பேட்டி அளித்த யுவராஜ் சிங், தன்னுடைய பயோபிக்கில் நடிக்க சரியான நடிகர் யார் என்பது குறித்து பேசி உள்ளார். அதன்படி அனிமல் படத்தின் நாயகன் ரன்பீர் கபூர் தனது பயோபிக்கில் நடிக்க சிறந்த தேர்வாக இருப்பார் என்று கூறிய அவர், அனிமல் படத்தை பார்த்த பின்னர் தான் தனக்கு இந்த யோசனை வந்ததாகவும் கூறி உள்ளார்.

இதுவரை இந்திய கிரிக்கெட் ஜாம்பவான்களான சச்சின் டெண்டுல்கர், எம்.எஸ்.தோனி ஆகியோரின் வாழ்க்கையை மையமாக வைத்து பயோபிக் படங்கள் வெளிவந்துள்ளன. இதில் எம்.எஸ்.தோனியின் வாழ்க்கை வரலாற்று திரைப்படம் மிகப்பெரிய அளவில் ஹிட் ஆனது. அதில் யுவராஜ் சிங்கின் கதாபாத்திரமும் இடம்பெற்று இருந்தது குறிப்பிடத்தக்கது.

இதையும் படியுங்கள்... பிரித்விராஜ் நடிப்பில் உருவாகியுள்ள 'தி கோட் லைஃப்' படத்தின் செகண்ட் லுக்கை வெளியிட்ட ரன்வீர் சிங்!