விருதுகளை தட்டித்தூக்கிய சூரரைப் போற்று... பிலிம்ஃபேரில் கெத்து காட்டிய சூர்யா படங்கள் - யார் யாருக்கு விருது?

6 விருதுகளை அள்ளிய சூரரைப் போற்று

பிலிம்ஃபேர் விருது நிகழ்ச்சியில் சூர்யாவின் சூரரைப் போற்று திரைப்படம் ஆறு விருதுகளை வென்றுள்ளது. சுதா கொங்கரா இயக்கத்தில் கடந்த 2020-ம் ஆண்டு வெளியாகி பிளாக்பஸ்டர் ஹிட்டான இப்படத்தில் நடிகர் சூர்யாவுக்கு ஜோடியாக அபர்ணா பாலமுரளி நடித்திருந்தார். இப்படத்திற்கு ஜிவி பிரகாஷ் இசையமைத்து இருந்தார். சூர்யாவின் 2டி நிறுவனம் தான் இப்படத்தை தயாரித்து இருந்தது.

பிலிம்ஃபேர் விருது விழாவில், இப்படத்தை இயக்கிய சுதா கொங்கராவுக்கு சிறந்த இயக்குனர் விருதும், இப்படத்தில் நடித்த சூர்யாவுக்கு சிறந்த நடிகர் விருதும், இதில் சூர்யாவின் அம்மாவாக நடித்த ஊர்வசிக்கு சிறந்த துணை நடிகைக்கான விருதும், சிறந்த இசை ஆல்பத்திற்காக ஜிவி பிரகாஷுக்கும், சிறந்த பின்னணி பாடகருக்கான விருதை சூரரைப் போற்று படத்தில் இடம்பெறும் ஆகாசம் பாடலை பாடிய கிறிஸ்டியன் ஜோஸ் மற்றும் கோவிந்த் வசந்தா ஆகியோருக்கு வழங்கப்பட்டது.

ஜெய் பீமுக்கு 2 விருதுகள்

சூர்யா தயாரித்து நடித்த ஜெய் பீம் திரைப்படம் பிலிம்ஃபேரில் 2 விருதுகளை வென்று அசத்தியது. இப்படத்தில் பழங்குடியின மக்களுக்காக வாதாடும் வக்கீல் கதாபாத்திரத்தில் சூர்யா நடித்திருந்தார். டி.ஜே.ஞானவேல் இயக்கிய இப்படத்தில் மணிகண்டன், லிஜோ மோல் ஆகியோரும் முக்கிய கதாபாத்திரத்தில் நடித்திருந்தனர்.

இந்நிலையில் பிலிம்ஃபேர் விருது விழாவில், சிறந்த படத்துக்கான விருதை ஜெய் பீம் வென்றது. இந்த விருதை இயக்குனர் டி.ஜே.ஞானவேல் பெற்றுக்கொண்டார். அதேபோல் இப்படத்தில் செங்கேணியாக நடித்திருந்த நடிகை லிஜோமோல் ஜோஸுக்கு சிறந்த நடிகைக்கான விருது வழங்கப்பட்டது.

இதையும் படியுங்கள்... நயன்தாரா மட்டுமில்லைங்க... வாடகைத் தாய் மூலம் குழந்தை பெற்றெடுத்த சினிமா நட்சத்திரங்களின் லிஸ்ட் இதோ

3 விருதுகளை வென்ற சார்பட்டா பரம்பரை

பா.ரஞ்சித் - ஆர்யா கூட்டணியில் வெளியாகி வெற்றிபெற்ற சார்பட்டா பரம்பரை திரைப்படமும் பிலிம்ஃபேரில் மூன்று விருதுகளை வென்று அசத்தியது. பாக்ஸிங் விளையாட்டை மையமாக வைத்து எடுக்கப்பட்ட இப்படத்தில் ஆர்யா, பசுபதி, துஷாரா விஜயன், கலையரசன், சந்தோஷ் பிரதாப் என மிகப்பெரிய நட்சத்திர பட்டாளமே நடித்திருந்தது. சந்தோஷ் நாராயணன் இப்படத்திற்கு இசையமைத்து இருந்தார்.

இந்நிலையில் பிலிம்ஃபேர் விருது விழாவில், சார்பட்ட பரம்பரை படத்தில் ரங்கன் வாத்தியாராக நடித்த பசுபதிக்கு சிறந்த துணை நடிகருக்கான விருது வழங்கப்பட்டது. அதேபோல் இப்படத்தில் ஹீரோவாக நடித்த ஆர்யாவுக்கு சிறந்த நடிகருக்கான விருதும், இப்படத்தில் இடம்பெறும் நீயே ஒலி என்கிற பாடல் வரிகளை எழுதிய தெருக்குரல் அறிவுக்கு சிறந்த பாடலாசிரியருக்கான விருதும் வழங்கப்பட்டது.

7 விருதுகளை வென்று குவித்த புஷ்பா

அல்லு அர்ஜுன் நடிப்பில் வெளியாகி பிளாக்பஸ்டர் ஹிட்டான புஷ்பா திரைப்படம் 7 பிலிம்ஃபேர் விருதுகளை வென்றது. தெலுங்கில் சிறந்த படம், சிறந்த இயக்குனராக சுகுமாரும், சிறந்த நடிகராக அல்லு அர்ஜுனும், சிறந்த இசைக்காக தேவி ஸ்ரீ பிரசாத்தும், ஸ்ரீவள்ளி பாடலை பாடிய சித் ஸ்ரீராமுக்கு சிறந்த பாடகர் விருது, ஊ சொல்றியா பாடலை பாடிய இந்திராவதிக்கு சிறந்த பாடகி விருதும், சிறந்த ஒளிப்பதிவு ஆகிய பிரிவுகளின் கீழ் விருதுகளை வென்றது புஷ்பா திரைப்படம்.

இதையும் படியுங்கள்...