அதிவேகமாக 100, 200, 300….708 ரன்கள் அடித்த முதல் வீரராக கோலி சாதனை – ஆரஞ்சு கேப் இவருக்கு மட்டுமே!

ஐபிஎல் 2024 கிரிக்கெட் தொடர் இறுதி கட்டத்தை எட்டிவிட்டது. லீக் போட்டிகள் முடிந்து பிளே ஆஃப் சுற்று போட்டிகள் தொடங்க இருக்கிறது. கொல்கத்தா நைட் ரைடர்ஸ், சன்ரைசர்ஸ் ஹைதராபாத், ராஜஸ்தான் ராயல்ஸ் மற்றும் ராயல் சேலஞ்சர்ஸ் பெங்களூரு பிளே ஆஃப் சுற்றுக்கு வந்துள்ளன. நாளை மறுநாள் பிளே ஆஃப் சுற்றின் முதல் தகுதிச் சுற்று போட்டி நடைபெறுகிறது. இதில், புள்ளிப்பட்டியலில் முதல் 2 இடங்களில் இருக்கும் அணிகள் மோதும்.

எலிமினேட்டர் சுற்று போட்டியில் 3 மற்றும் 4ஆவது இடங்களில் உள்ள அணிகள் மோதும். இன்று நடைபெற இருந்த ராஜஸ்தான் ராயல்ஸ் மற்றும் கொல்கத்தா நைட் ரைடர்ஸ் அணிகளுக்கு இடையிலான போட்டி மழையால் ரத்து செய்யப்பட்டால் எலிமினேட்டர் போட்டியில் ராஜஸ்தான் ராயல்ஸ் மற்றும் ராயல் சேலஞ்சர்ஸ் பெங்களூரு அணிகள் மோதும்.

அதன்படி தகுதிச் சுற்று போட்டியில் கொல்கத்தா நைட் ரைடர்ஸ் மற்றும் சன்ரைசர்ஸ் ஹைதராபாத் அணிகள் மோதும். இந்த சீசனில் ஆரம்பத்தில் விளையாடிய 8 போட்டிகளில் 7ல் தோல்வி அடைந்து புள்ளிப்பட்டியலில் 10ஆவது இடத்தில் இருந்தது ஆர்சிபி. ஆனால், அதிக ரன்கள் எடுத்தவர்களின் பட்டியலில் விராட் கோலி முதலிடத்தில் இருந்து வந்தார்.

கடைசியாக விளையாடிய 6 போட்டியிலும் ஆர்சிபி வெற்றி பெற்று கம்பீரமாக பிளே ஆஃப் சுற்றுக்கு 4ஆவது அணியாக முன்னேறியுள்ளது. இதுவரையில் விளையாடிய 14 போட்டிகளில் 7 வெற்றிகளுடன் 14 புள்ளிகள் பெற்று ரன் ரேட் அடிப்படையில் 4ஆவது இடம் பிடித்து பிளே ஆஃப் சுற்றுக்கு வந்துள்ளது.

விராட் கோலி விளையாடிய 14 போட்டிகளில் அதிவேகமாக 100, 200, 300 என்று வரிசையாக 708 ரன்கள் குவித்து அதிக ரன்கள் எடுத்தவர்களின் பட்டியலில் முதலிடம் பிடித்து ஆரஞ்சு கேப் பெற்றுள்ளார். இவருக்கு பின் சென்னை சூப்பர் கிங்ஸ் அணியின் கேப்டன் ருதுராஜ் கெய்க்வாட் 583 ரன்கள் எடுத்து 2ஆவது இடத்தில் இருக்கிறார். ஆனால், சிஎஸ்கே பிளே ஆஃப் வாய்ப்பை இழந்து வெளியேறிய நிலையில் கோலி மட்டுமே தனி ஒருவராக அதிக ரன்கள் எடுத்தவர்களின் பட்டியலில் ஆரஞ்சு கேப்பை தனக்கு சொந்தமாக்கியிருக்கிறார்.

மூன்றாவது இடத்தில் டிராவிஸ் ஹெட் 533 ரன்கள் பெற்றுள்ளார். இன்னும் 2 போட்டிகள் விளையாடினாலும் 708 ரன்களுக்கு அதிகமாக எடுக்க முடியாது. 4ஆவது இடத்தில் ரியான் பராக் 531 ரன்கள் எடுத்து இருக்கிறார். இன்னும் 3 போட்டியில் விளையாடினாலும் கூட 700 ரன்களுக்கு மேல் எடுக்க வாய்ப்பு குறைவுதான்.

விராட் கோலி இன்னும் 3 போட்டிகளில் அல்லது 2 போட்டிகளில் விளையாடினாலும் கூட இன்னும் கூடுதலாக ரன்கள் எடுப்பதற்கு அதிக வாய்ப்புகள் இருக்கிறது. கடந்த சீசனில் குஜராத் டைட்டன்ஸ் வீரரான சுப்மன் கில் 890 ரன்களுடன் ஆரஞ்சு கேப் வென்றார் என்பது குறிப்பிடத்தக்கது.