- Home
- Gallery
- மழையால் போட்டி ரத்து – ஏமாற்றத்தோடு 3ஆவது இடம் பிடித்த RR – எலிமினேட்டர் போட்டியில் பலப்பரீட்சை!
மழையால் போட்டி ரத்து – ஏமாற்றத்தோடு 3ஆவது இடம் பிடித்த RR – எலிமினேட்டர் போட்டியில் பலப்பரீட்சை!
ராஜஸ்தான் ராயல்ஸ் மற்றும் கொல்கத்தா நைட் ரைடர்ஸ் அணிகளுக்கு இடையிலான கடைசி லீக் போட்டியானது மழையின் காரணமாக டாஸ் போடப்பட்ட நிலையில் கைவிடப்பட்டதாக அறிவிக்கப்பட்டுள்ளது.
Rajasthan Royals vs Kolkata Knight Riders, 70th Match
ஐபிஎல் 2024 கிரிக்கெட் திருவிழா இறுதி கட்டத்தை நெருங்கிவிட்டது. கொல்கத்தா நைட் ரைடர்ஸ், சன்ரைசர்ஸ் ஹைதராபாத், ராஜஸ்தான் ராயல்ஸ் மற்றும் ராயல் சேலஞ்சர்ஸ் பெங்களூரு அணிகள் பிளே ஆஃப் சுற்றுக்கு முன்னேறியுள்ளன.
Rajasthan Royals vs Kolkata Knight Riders, 70th Match
இன்று கவுகாத்தியில் ராஜஸ்தான் ராயல்ஸ் மற்றும் கொல்கத்தா நைட் ரைடர்ஸ் அணிகளுக்கு இடையிலான கடைசி லீக் போட்டி நடைபெற இருந்தது. இது ராஜஸ்தான் ராயல்ஸ் அணிக்கு முக்கியமான போட்டியாக பார்க்கப்பட்டது. இந்தப் போட்டியில் வெற்றி பெற்றால் 18 புள்ளிகளுடன் 2ஆவது இடம் பிடித்து முதல் தகுதிச் சுற்றுப் போட்டிக்கு தகுதி பெறும்.
Rajasthan Royals vs Kolkata Knight Riders, 70th Match
அப்படியில்லை என்றால் 3ஆவது இடம் பிடித்து எலிமினேட்டர் சுற்று போட்டிக்கு தகுதி பெறும் என்ற நிலையில் இருந்தது. ஆனால், கவுகாத்தியில் இரவு 7 மணி முதல் விட்டு விட்டு மழை பெய்த நிலையில், போட்டியானது நடைபெறுமா என்பதில் சந்தேகம் ஏற்பட்டது. ஒருவழியாக மழை நின்று டாஸூம் போடப்பட்டது. மேலும், 7 ஓவர்கள் கொண்ட போட்டியாக நடைபெறும் என்று அறிவிக்கப்பட்டது.
Rajasthan Royals vs Kolkata Knight Riders, 70th Match
ஆனால், அதற்குள்ளாக மீண்டும் மழை பெய்யத் தொடங்கிய நிலையில், போட்டியானது டாஸ் போடப்பட்டதோடு ரத்து செய்யப்படுவதாக அறிவிக்கப்பட்டது. அதன்படி இரு அணிகளுக்கும் தலா ஒரு புள்ளிகள் பகிர்ந்து அளிக்கப்பட்டது.
RR vs KKR, Guwahati Match
இதையடுத்து கொல்கத்தா நைட் ரைடர்ஸ் 20 புள்ளிகள் பெற்றது. ராஜஸ்தான் ராயல்ஸ் 17 புள்ளிகள் பெற்றது. எனினும், நெட் ரன்ரேட் அடிப்படையில் பின் தங்கியிருந்த நிலையில், 3ஆவது இடம் பிடித்தது. இதன் மூலமாக முதல் தகுதிச் சுற்று போட்டியில் கொல்கத்தா நைட் ரைடர்ஸ் மற்றும் சன்ரைசர்ஸ் ஹைதராபாத் அணிகள் மோதுகின்றன. இந்தப் போட்டி வரும் 21 ஆம் தேதி அகமதாபாத்தில் நடைபெறுகிறது.
RR vs KKR Match Called Off
இந்தப் போட்டியில் வெற்றி பெறும் அணி நேரடியாக இறுதிப் போட்டிக்கு தகுதி பெறும். தோல்வி அடையும் 2ஆவது தகுதிச் சுற்று போட்டியில் மோதும். இதே போன்று 3ஆவது மற்றும் 4ஆவது இடங்களில் உள்ள ராஜஸ்தான் ராயல்ஸ் மற்றும் ராயல் சேலஞ்சர்ஸ் பெங்களூரு அணிகள் எலிமினேட்டர் சுற்று போட்டியில் மோதுகின்றன.
Rajasthan Royals vs Kolkata Knight Riders, 70th Match
இந்தப் போட்டி 22ஆம் தேதி அகமதாபாத்தில் நடைபெறுகிறது. இந்தப் போட்டியில் தோல்வி அடையும் அணி வெளியேறும். வெற்றி பெறும் அணி 2ஆவது தகுதி சுற்று போட்டியில் மோதும். இதில் வெற்றி பெறும் அணி இறுதிப் போட்டியில் மோதும். 26 ஆம் தேதி சென்னையில் இறுதிப் போட்டி நடைபெறுகிறது.