Aishwarya Rajesh : பிரபல நடிகை ஐஸ்வர்யா ராஜேஷ் நடிப்பில் புதிதாக உருவாகியுள்ள "வளையம்" படத்தின் பூஜை நடைபெற்றுள்ளது. இதில் பிரபல நடிகர் விஜய் சேதுபதி சிறப்பு விருந்தினராக பங்கேற்றார்.
கடந்த 2012 ஆம் ஆண்டு பிரபல இயக்குனர் பா. ரஞ்சித் இயக்கத்தில் வெளியான "அட்டகத்தி" திரைப்படத்தின் மூலம் மக்கள் மத்தியில் பெரிய அளவில் வரவேற்பு பெற்ற நாயகி தான் ஐஸ்வர்யா ராஜேஷ். அதன் பிறகு "காக்கா முட்டை" திரைப்படம் அவருக்கு மிகப்பெரிய வரவேற்பு கொடுத்தது.
மதுபோதையில் விமான நிலையத்தில் அலப்பறை செய்த வேல்முருகனை சுத்துபோட்ட அதிகாரிகள்
அதைத்தொடர்ந்து நல்ல பல திரைப்படங்களில் சிறப்பான கதாபாத்திரங்கள் ஏற்று நடித்து வரும் ஐஸ்வர்யா ராஜேஷ், தற்பொழுது முதன்மை கதாபாத்திரங்கள் ஏற்று நடிக்க துவங்கியுள்ளார். அந்த வகையில் "வளையம்" என்கின்ற அவருடைய புதிய படம் ஒன்று பூஜையுடன் துவங்கியுள்ளது.
ஆக்ஷன் காட்சிகள் நிறைந்த ஒரு சயின்ஸ் பிக்சன் திரைப்படமாக இது உருவாக உள்ளது என்றும், அறிமுக இயக்குனர் மனோ பாரதி இயக்கத்தில் தேவ் என்ற அறிமுக நாயகன் நடிப்பில் இந்த திரைப்படம் உருவாகவுள்ளது. இன்று சென்னையில் நடைபெற்ற இந்தப்பட பூஜையில், மக்கள் செல்லும் நிதி சேதுபதி அவர்கள் கலந்து கொண்டு பட குழுவினரை வாழ்த்தினார்.