நடிகை வரலட்சுமி சரத்குமாருக்கு நடந்த திருமண நிச்சயதார்த்தம்.. வைரலாகும் சுப்ரீம் ஸ்டார் மருமகன் போட்டோ..

நடிகர் சரத்குமார் மகளும், பிரபல சினிமா நடிகையுமான நடிகை வரலட்சுமி சரத்குமாருக்கு தற்போது பிரபல தொழிலதிபருடன் திருமண நிச்சயதார்த்தம் நடந்துள்ளது.

Varalakshmi Sarathkumar Engagement

நடிகை வரலட்சுமி சரத்குமார் அவர் தமிழ், தெலுங்கு என எல்லா மொழி படங்களிலும் நடித்து கொண்டே வருகிறார். வில்லி, ஹீரோயின், தங்கை, குணச்சித்திர கதாபாத்திரம் என அசத்துகிறார். ஹீரோயின் கதாபாத்திரமாக இருந்தாலும் சரி, வில்லியாக இருந்தாலும் சரி பக்காவாக நடித்து ரசிகர்களின் கவனத்தை ஈர்த்து வருகிறார்.

Varalakshmi Sarathkumar

சமீபத்தில் வெளியாகி மாபெரும் ஹிட் அடித்த ஜெய் ஹனுமான் படத்தில் அக்காவாக நடித்திருந்தார். வரலட்சுமி சரத்குமாருக்கும், சிம்புவுக்கும் திருமணம் என ஆளாளுக்கு பேசத் துவங்கினார்கள். எங்களுக்கு இடையே இருப்பது நட்பு மட்டுமே, கல்யாணம் எல்லாம் இல்லை என இருவரும் விளக்கம் அளித்தனர்.

Sarathkumar

அதற்கு முன்பு நடிகர் விஷால் வரலட்சுமி சரத்குமாரை காதலிக்கிறார் என்றும், விரைவில் இருவரது திருமணமும் நடக்க உள்ளது என்றும் பல வருடங்களாகவே செய்திகள் வெளிவந்த வண்ணம் இருந்தது. இந்த நிலையில் வரலட்சுமிக்கும், மும்பையை சேர்ந்த தொழிலதிபரான நிக்கேலாய் சச்தேவ் என்பவருக்கும் திருமண நிச்சயதார்த்தம் நடந்து முடிந்துள்ளது.

Actress Varalakshmi Sarathkumar

கடந்த 1ஆம் தேதி குடும்பத்தினர், நெருங்கிய நண்பர்கள் மட்டும் பங்கேற்க நிச்சயதார்த்தம் நடைபெற்றுள்ளது. இதில் தந்தை சரத்குமார், ராதிகா மற்றும் குடும்பத்தினர் பலர் கலந்து கொண்டுள்ளனர்.

Varalakshmi Engaged

இவர்கள் இருவருக்கும் இடையே கடந்த 14 ஆண்டுகள் பழக்கம் இருந்த நிலையில் தற்போது இருவரின் பெற்றோர்கள் சம்மதத்துடன் மோதிரம் மாற்றிக்கொண்டு நிச்சயதார்த்தம் செய்து கொண்டனர் என்று தெரிவிக்கப்பட்டுள்ளது.

Nikolai Sachdev

வரலட்சுமியின் வருங்கால கணவரான நிக்கேலாய் சச்தேவ் ஆர்ட் கேலரி நடத்தி வருகிறார். நடிகை வரலட்சுமி சரத்குமார், நிக்கேலாய் சச்தேவ் திருமண நிச்சயதார்த்த புகைப்படங்கள் சமூக வலைத்தளங்களில் வைரலாகி வருகிறது.