சளி வராமல் இருக்க அடிக்கடி டீ குடிப்பவரா நீங்கள்? இனி கவனமாக இருங்கள்..!!

குளிர்காலத்தில் ஜலதோஷத்தை தவிர்க்க தேவைக்கு அதிகமாக டீ குடிக்கும் பழக்கம் உங்களுக்கு இருந்தால், அதை உடனடியாக மாற்றிக்கொள்ளுங்கள். அளவுக்கு அதிகமாக டீ குடிப்பதால் உடல் நலம் பாதிக்கப்படுவதோடு நோய் பாதிப்பு ஏற்படும்.

குளிர்காலம் தொடங்கியவுடன், பலருக்கும் அடிக்கடி டீ குடிப்பது ஒரு தவிர்க்க முடியாத பழக்கமாகிவிடும். அதிலும் சளி, இருமல், தும்மல் போன்ற பிரச்னைகள் வந்துஇட்டால் அளவுக்கு அதிகமாக சூடாக டீ குடிக்கும் பழக்கம் நம்மிடையே பலருக்கும் உண்டு. அளவுக்கு அதிகமாக டீ குடிப்பது உடல் நலத்தை மோசமாக பாதிக்கும் என்று ஆய்வுகள் கூறுகின்றன. அது எப்படி என்று தெரிந்துகொள்வோம்.

வயிற்றுப் பிரச்னை

அளவுக்கு அதிகமாக டீ குடிப்பதால் பல்வேறு வயிறு தொடர்பான பாதிப்புகள் உருவாகலாம். அதிகமாக தேநீர் குடிப்பது ஒருவரின் செரிமானத்தில் மோசமான விளைவை ஏற்படுத்தும். இதனால் வயிற்றில் வாயு, வீக்கம் மற்றும் மலச்சிக்கல் போன்ற பிரச்சனைகளை ஏற்படுத்தும். குறிப்பாக காலையில் வெறும் வயிற்றில் டீ குடிப்பவர்களுக்கு இந்த பாதிப்பு ஏற்படுவதற்கான வாய்ப்புகள் அதிகமாகும்.

கருச்சிதைவுக்கான ஆபத்து

கர்ப்பிணிகள் அதிகமாக தேநீர் அருந்துவதை தவிர்க்க வேண்டும். அதிகமாக தேநீர் அருந்துவது தாயின் ஆரோக்கியத்தை மட்டுமல்ல, கருவில் இருக்கும் குழந்தையின் ஆரோக்கியத்தையும் பாதிக்கிறது. தேநீரின் அதிகப்படியான நுகர்வு பல சிக்கல்களுக்கு வழிவகுக்கும் மற்றும் சில கடுமையான சந்தர்ப்பங்களில் கருச்சிதைவு ஆபத்தை அதிகரிக்கலாம்.

இரும்புச் சத்து குறைபாடு

சுகாதார நிபுணர்களின் கூற்றுப்படி, ஒரு நாளைக்கு 3 முதல் 4 கோப்பைகளுக்கு மேல் தேநீர் குடிப்பது ஆரோக்கியத்திற்கு தீங்கு விளைவிக்கும். இது, செரிமான அமைப்பைப் பாதிப்பதுடன், படிப்படியாக உடலில் இரும்புச் சத்து குறைபாட்டிற்கு வழிவகுத்து, மக்கள் இரத்த சோகைக்கு ஆளாகலாம்.

பூண்டினை அதிகளவில் சாப்பிட்டாலும் ஆபத்து தான்- தெரியுமா உங்களுக்கு..?

தூக்கமின்மை

தேநீரிலுள்ள காஃபின் மற்றும் டானின் இரண்டும் தூக்கத்தை பாதிக்க அதிக வாய்ப்புகள் உள்ளன. இதன் காரணமாக, ஒரு நபர் இரவில் ஒழுங்காக தூங்கவில்லை என்றால், அவருடைய ஒட்டுமொத்த உடல் இயக்கமும் அடுத்தநாள் பாதிக்கப்படக் கூடும். உண்மையில், காஃபின் மூளையை எச்சரிக்கும் தூண்டுதலாக செயல்படுகிறது. அதன் அதிகப்படியான நுகர்வு ஒரு நபரின் மனநிலை மாற்றத்தை ஏற்படுத்தும் என்பது ஆய்வுகளில் நிரூபிக்கப்பட்டுள்ளது.

நெஞ்சரிச்சல்

அதிகமாக டீ குடிப்பதால் நெஞ்சரிச்சல், வாயு, அஜீரணம், வாயில் புளிப்புச் சுவை காணப்படுவது போன்ற பல பிரச்னைகளை சந்திக்க வேண்டியுள்ளது. ஏற்கனவே அசிடிட்டி போன்ற பிரச்சனைகள் இருந்தால் முடிந்தவரை தவிர்ப்பது நல்லது. டீ குடிப்பதால் குடல் ஆரோக்கியம் கெட்டுவிடலாம். இதனால், உணவு செரிமானம் ஆவதில் சிக்கல் ஏற்படுகிறது. எனவே குளிர்காலத்தில் அவசியமில்லாமல் டீ குடிக்க வேண்டாம்.
 

மேலும் சுவாரஸ்யமான செய்திகளுக்கு ஏசியாநெட்நியூஸ் தமிழ் வாட்ஸ்அப் சேனலை கிளிக் செய்து பின்தொடரவும்

• drinking tea problems
• drinking tea risks
• tea drinking habit
• tea drinking side effects
• winter tea habit