எவ்வளவு நேரம் நடந்தாலும் உடல் எடையை குறையவில்லையா? இந்த தவறுகள் காரணமாக இருக்கலாம். வாங்க பார்க்கலாம்.
These are Reasons Why You Can't Lose Weight by Walking: இன்றைய காலத்தில் பலருக்கும் உடற்பயிற்சிக்கு நேரமில்லை. ஆனால் உடலை ஆரோக்கியமாக பராமரிக்க ஏதேனும் செய்யவேண்டும் என்ற ஆர்வம் பலருக்கும் இருக்கிறது. அதனால் தான் காலை, மாலை என மக்கள் நடைபயிற்சி செய்ய படையெடுக்கிறார்கள். ஆனால் சிலர் வெறும் நடைபயிற்சியில் எடையை குறைக்க வேண்டும் என முயற்சி செய்கின்றனர். அது தவறொன்றும் இல்லை. ஆனால் எடையை குறைக்க நடைபயிற்சியோடு உணவுக் கட்டுப்பாடும் அவசியம்.
தவறுகள்:
- காலை உணவைத் தவிர்த்து தண்ணீரை குடித்துகொள்வது தவறு. காலை உணவை மூளை உணவு என்பார்கள். அதனை கண்டிப்பாக எடுத்து கொள்ள வேண்டும். அதை தவிர்த்தால் உடலில் சத்துக் குறைபாடு வரும். இப்படி உண்ணாமல் பட்டினி இருக்கக் கூடாது. அளவாக மூன்று வேளையும் ஒரே நேரத்தில் சாப்பிடுவதை பழக்கப்படுத்த வேண்டும். தினமும் ஆரோக்கியமான உணவுகளை உண்ண வேண்டும்.
- நடைபயிற்சி முடித்ததும் புத்துணர்ச்சிக்காக டீ அல்லது காபி குடிப்பதை தவிர்க்க வேண்டும். அப்படி குடித்தால் வாக்கிங் போனதே வீண்தான். சீனி, பால் கடுங்காபி குடிக்கலாம்.
- எடையைக் குறைக்க வியர்வை பெருக்கெடுக்க வேண்டும் என நினைக்கக் கூடாது. அப்படியொன்றும் இல்லை. வியர்வை உடல் வெப்பத்தை சமநிலையில் வைக்க உதவும். எடையைக் குறைக்காது. மிதமான பயிற்சியே நல்ல பலன் தரும்.
- குறைந்தபட்சம் 20 நிமிடங்கள் உடற்பயிற்சி செய்தாலும் போதுமானது. அனைத்து தசைகளும் இயங்கும் வண்ணம் பயிற்சி செய்ய வேண்டும். குறிப்பட்ட தசைகளுக்கு மட்டும் பயிற்சி அளிக்கக் கூடாது. சிலர் தொப்பைக்கு மட்டும் பயிற்சிகளை கொடுப்பார்கள். அதனால் எந்த பலனும் இல்லை.
- எண்ணெய்யில் பொரித்த உணவுகளை தவிர்க்க வேண்டும்.
வாக்கிங் போனாலும் ஏன் எடை குறையவில்லை?
Related Articles
நமது மூளை எந்த விஷயங்களையும் 15 நாட்களுக்குள் பழகிவிடக் கூடியது. கிட்டத்தட்ட ஒரு மாதத்தில் நாம் செய்யும் உடற்பயிற்சிகளை மூளை நன்கு பழகிவிடும். ஒரே மாதிரியான வேகத்தில் தினமும் நீங்கள் நடந்து கொண்டிருந்தால் அதற்கு உடல் பழகிவிடும். அதனால் பலன் கிடைக்காமல் போய்விடும். எடை குறைய மாதம் ஒருமுறையாவது வேகம் மற்றும் தூரத்தை மாற்ற வேண்டும்.
உதாரணமாக நீங்கள் இந்த மாதம் ஒரு கிலோமீட்டர் நடந்தால் அதே தூரத்தை அடுத்த மாதம் கொஞ்சம் கூட்ட வேண்டும். அடுத்த மாதம் 1 கி.மீ மற்றும் 200மீ நடக்கலாம். இப்படி வேகம், தூரம் மாறும்போது அதற்கேற்ற பலன் கிடைக்கும். எடையும் கணிசமாக குறையும்.
