Walking Mistakes : வாக்கிங் போறப்ப இந்த '4' தவறுகளை செய்றீங்களா? அப்ப 10000 ஸ்டெப்ஸ் நடந்தாலும் வேஸ்ட்

இந்தப் பதிவில் நடக்கும்போது செய்யக் கூடாத தவறுகளை காணலாம்.

Image Credit : Getty

நடைபயிற்சி எளிமையாக செய்யக் கூடிய மிதமான கார்டியோ பயிற்சியாகும். எந்த உபகரணங்களும் இல்லாமல் செய்யக் கூடிய பயிற்சியாகும். இதய ஆரோக்கியத்தை மேம்படுத்துவது தொடங்கி ஒட்டுமொத்த உடல்நலத்திற்கும் நன்மை செய்யக் கூடிய உடற்பயிற்சியாக நடைபயிற்சி உள்ளது. ஆனால் நாம் செய்யும் சின்ன தவறுகள் கூட நடைபயிற்சியின் நன்மைகளைக் குறைக்கும். அதுமட்டுமின்றி வலி, காயங்கள் ஏற்படவும் காரணமாகிவிடும். இந்தப் பதிவில் நடக்கும்போது செய்யக் கூடாத தவறுகளை காணலாம்.

Image Credit : Getty

நடைபயிற்சி வெறும் கால்களை அசைக்கும் பயிற்சியல்ல; ஒட்டுமொத்த உடலையும் சீராக வைக்கும் பயிற்சியாகும். வாக்கிங் செல்லும்போது செல்போன் பார்த்துக் கொண்டே நடப்பது பெரும்தவறாகும். இதனால் உங்களுடைய உடல் தோரணை மாறுகிறது. மோசமான தோரணையில் நடந்தால் கழுத்து, தோள்கள், முதுகெலும்பில் அழுத்தம் ஏற்படும். சோர்வும் அசௌகரியமும் மட்டுமின்றி மனநிலை, சுவாசம், தூக்கத்தின் தரமும் பாதிப்பதாக ஹார்வர்ட் ஆய்வு கூறுகிறது. தொடர்ந்து இப்படி நடந்தால் மோசமான தோரணை, நாள்பட்ட வலி, நீண்டகால தசைக்கூட்டு பிரச்சினைகள் வரக் கூடும். எனவே நிமிர்ந்த நேர் கொண்ட பார்வையுடன் நடக்க வேண்டும்.

Image Credit : stockphoto

கால்களில் எந்த காயமும் இன்றி நடைபயிற்சியை செய்ய நல்ல ஷூ அவசியம். பொருத்தமில்லாத அல்லது குஷனிங் இல்லாத ஷூக்களை போட்டு நடந்தால் கொப்புளங்கள், கால் வலி, தாடைப் பிளவுகள், தோரணை பிரச்சினைகள் வரும். தரமில்லாத ஷூ முழங்கால்கள், இடுப்பு, முதுகில் தாக்கம் ஏற்படுத்தும். மூட்டுகளிலும் அழுத்தம் உண்டாகும். இதனால் தொடர்ந்து நடக்க முடியாமல் போகலாம். மென்மையான மெத்தை போன்ற ஷூக்கள் அணிய வேண்டும். நல்ல ஷூக்கள் அணிந்து நடப்பது அவசியம்.

Image Credit : Getty

நல்ல நீரேற்றம் அவசியம். நீங்கள் ஓடுவதை விடவும் நடப்பது குறைந்த தீவிரம் கொண்டது. ஆனாலும் உடலில் வியர்வை வெளியேறுவதால் நீரேற்றமாக இருக்க வேண்டியது அவசியம். இல்லையென்றால் தலைச்சுற்றல், தலைவலி, சோர்வு வரும். அதிக வெயிலில் நடந்தால் வெப்ப சோர்வு கூட ஏற்படலாம். உடல் வெப்பநிலையை சீராக்கவும், ஆற்றலை அதிகரிக்கவும் நீரேற்றமாக இருக்க வேண்டும். நடக்கும் முன், நடக்கும்போது மற்றும் நடந்த பின் தண்ணீர் குடிக்க வேண்டும். வெப்பம் அல்லது ஈரப்பதமான நாட்களில், நீரிழப்பைத் தடுக்க போதுமான அளவில் தண்ணீர் குடிக்கவேண்டும்.

Image Credit : Getty

நடைபயிற்சியில் சில கட்டுக்கதைகளும் உள்ளன. ரொம்ப தூரம் நடப்பது அதிக கலோரிகளை எரிக்கும். ஆனால் நீண்ட தூரம் நடப்பது அல்லது கால்களை தூரமாக எட்டு வைத்து நடப்பது முழங்கால்கள், இடுப்பு, கீழ் முதுகில் கூடுதல் அழுத்தத்தை தான் ஏற்படுத்தும். இதனால் காயம் ஏற்படலாம். உங்களுடைய கால்களுக்கு ஏற்ற சீரான தாள இயக்கத்தில் நடக்க வேண்டும். உங்கள் சக்திக்கு மீறி நீண்ட தூரம் நடப்பது உடலின் இயற்கையான சீரமைப்பை நாசம் செய்கிறது. குறுகிய நடைகள் கூட உடலுக்கு நன்மை பயக்கும். மூட்டுகளை அதிகம் சிரமப்படுத்தாமல் சீரான வேகத்தில் நடந்தாலே போதும்.

Image Credit : Getty

மேலே சொன்ன விஷயங்களை முறையாக பின்பற்றாவிட்டால் நாளடைவில் நீங்கள் நடப்பதை நிறுத்திக் கொள்வீர்கள். அதற்கு மூட்டுகளின் அழுத்தம், சோர்வு, தோரணை மாற்றம், காயங்கள் என வெவ்வேறு காரணங்கள் ஏற்படலாம். அதனால் இந்த நான்கு தவறுகளை திருத்திக் கொள்ளுங்கள்.