நாள் முழுவதும் சுறுசுறுப்பாக இயங்க...வெறும் வயிற்றில் இந்த பழங்களை சாப்பிடுங்க
வெறும் வயிற்றில் காபி, டீ குடிப்பதை விட, இயற்கையான பழங்களைச் சாப்பிடுவது உடலுக்கு 'ராக்கெட்' வேக ஆற்றலைத் தரும். வெறும் வயிற்றில் தண்ணீர் அதிகம் குடிப்பது நல்லது. அதோடு சில பழங்களை சாப்பிட்டால் ஒரு நாளைக்கு தேவையான மொத்த எனர்ஜியும் கிடைத்து விடும்.
ஆப்பிள் :
காலை எழுந்தவுடன் காபிக்கு பதிலாக ஒரு ஆப்பிள் சாப்பிட்டுப் பாருங்கள். இதிலுள்ள 'குவெர்செடின்' (Quercetin) உங்கள் மூளை செல்களை சுறுசுறுப்பாக்கி, கவனத்தை அதிகரிக்கும். தோலுடன் சாப்பிடுவதுதான் முழு ஆற்றலையும் தரும்.
தர்பூசணி :
இரவு முழுவதும் தூக்கத்தில் உங்கள் உடல் இழந்த நீரேற்றத்தை (Hydration) உடனடியாக ஈடுசெய்ய தர்பூசணி மிகச்சிறந்தது. இதில் 90% நீர்ச்சத்து இருப்பதால், காலையிலேயே உடல் புத்துணர்ச்சி பெறும். இதில் உள்ள 'எல்-சிட்ருலின்' தசை சோர்வை நீக்கும்.
வாழைப்பழம் :
ஜிம் செல்பவரா? அல்லது வேலைக்கு ஓடுபவரா? உங்களுக்கு தேவையானது ஒரு வாழைப்பழம். இதில் உள்ள பொட்டாசியம் மற்றும் இயற்கை சர்க்கரை, சோர்வை விரட்டி உடனடியாக வேலை செய்யத் தூண்டும். நன்கு கனிந்த பழம் செரிமானத்திற்கு மிகவும் நல்லது.
பப்பாளி :
வெறும் வயிற்றில் பப்பாளி சாப்பிடுவது உங்கள் குடலை சுத்தப்படுத்தும். செரிமான கோளாறுகள் நீங்கி, வயிறு இலகுவாக இருந்தால் மட்டுமே உங்களால் அன்று முழுவதும் உற்சாகமாக இருக்க முடியும்.நச்சுக்களை வெளியேற்ற இது ஒரு சிறந்த டிடாக்ஸ் (Detox) பழம்.
கிவி :
வைட்டமின் C நிறைந்த கிவி பழம், உங்கள் உடலின் மெட்டபாலிசத்தை தூண்டிவிடும். இது இரத்த ஓட்டத்தை சீராக்கி, காலையிலேயே உங்களை 'ஆக்டிவ்' ஆக மாற்றும். மன அழுத்தத்தைக் குறைப்பதில் கிவிக்கு நிகர் கிவியே!
