ஹோமோ செக்ஸ்க்கு நோ சொன்ன வாலிபர்.. விரீயம் மருந்து கொடுத்து வேலை முடிந்ததும் கதை முடித்த சித்த வைத்தியர்.!

தஞ்சாவூர் மாவட்டம் கும்பகோணம் அடுத்துள்ள மணல்மேடு மகாராஜபுரத்தை சேர்ந்தவர் அசோக்ராஜ் (27). சென்னையில் லாரி ஓட்டுநராக பணிபுரிந்து வந்தார். இவர் தீபாவளிக்கு ஊருக்கு வந்துவிட்டு திரும்பிய போது திடீரென மாயமானார். இதனையடுத்து குடும்பத்தினர் காவல் நிலையத்தில் புகார் அளித்தனர். 

இந்த புகாரின் பேரில் போலீசார் வழக்குப்பதிவு செய்து விசாரணை நடத்தினர். அப்போது  அசோக் ராஜனுடன் நெருங்கிய தொடர்பில் இருந்த  சித்த வைத்தியரான கேசவமூர்த்தி(47) என்பவரை பிடித்து போலீசார் விசாரணை நடத்தியதில் அவரை ஓரின சேர்க்கையில் ஈடுபடுத்தி கொலை செய்து துண்டு துண்டாக வெட்டி வீட்டின் பின்புறம் புதைத்தது தெரியவந்தது. இதையடுத்து அவரை போலீசார் கைது செய்து விசாரணை நடத்தினர்.

அப்போது அவர் கொடுத்த அதிர்ச்சி தகவல் சில நிமிடங்கள் போலீசாரையே தலைசுற்ற வைத்தது. இதுகுறித்து போலீசார் கூறுகையில்;- அசோக் ராஜனுக்கு பாலியல் ரீதியான பிரச்சனை இருந்து வந்ததால் கேசவமூர்த்தியிடம்  சுன்னத் செய்துள்ளார். இதனால் அசோக் ராஜனுக்கு உடல்நலக்குறைவு ஏற்பட்டது.  இதுகுறித்து கேசவ மூர்த்தியை தொடர்பு கொண்டு அசோக் ராஜன் கேட்டதற்கு, தீபாவளி பண்டிகைக்கு ஊருக்கு வரும்போது தன்னிடம் வந்து சிகிச்சை பெற்றுக் கொள்ளுமாறு கேசவமூர்த்தி கூறியுள்ளார்.

அதன்படி, கடந்த 13-ம் தேதி கேசவமூர்த்தியை அசோக் ராஜன் சந்திக்க சென்றுள்ளார். அப்போது ஹோமோ செக்ஸ் வைத்துக் கொள்ள அழைத்துள்ளார். அதற்கு அவர் மறுத்த நிலையில், அவருக்கு ஆண்மை வீரியம் அதிகரிக்கும் இரண்டு மூலிகை மாத்திரைகளை கொடுத்து தகாத உறவில் ஈடுபட்டுள்ளார். பின்னர் சுயநினைவை இழந்த அசோக்ராஜின் மர்ம உறுப்பை வெட்டி, கொலை செய்து உடலை துண்டு துண்டாக வெட்டி வீட்டின் பின்புறம் புதைத்துள்ளார். மேலும், வீட்டைச் சுற்றிலும் பல இடங்களில் தோண்டிப் பார்த்தபோது ஏராளமான எலும்புகள் கிடைத்துள்ளதாக போலீசார் தெரிவித்தனர்.