2 நாளும் மழை பெய்தால் என்ன நடக்கும்? எந்த அணி இறுதிப் போட்டிக்கு செல்லும்?

ஐபிஎல் 2024 கிரிக்கெட் தொடரின் 2ஆவது குவாலிஃபையர் போட்டி இன்று இரவு 7.30 மணிக்கு சென்னையில் நடைபெறுகிறது. இதில் முதல் முறையாக சன்ரைசர்ஸ் ஹைதராபாத் மற்றும் ராஜஸ்தான் ராயல்ஸ் அணிகள் மோதுகின்றன.

இந்தப் போட்டியின் போது மழை குறுக்கீடு ஏற்பட்டு போட்டி ரிசர்வ் டேயான நாளைக்கு மாற்றப்பட்டாலும் சரி, அப்படி மாற்றப்படும் போட்டியின் போதும் மழை குறுக்கீடு ஏற்பட்டு போட்டி ரத்து செய்யப்பட்டாலும் சரி அது சன்ரைசர்ஸ் ஹைதராபாத் அணிக்கு சாதமாக அமையும்.

மழையால் போட்டி ரத்து செய்யப்பட நேர்ந்தால் புள்ளிப்பட்டியலில் டாப்பில் இருக்கும் அணி இறுதிப் போட்டிக்கு செல்லும். அதன்படி தற்போது 2ஆவது இடத்தில் இருக்கும் ஹைதராபாத் அணிக்கு வாய்ப்பு வழங்கப்படும்.

ராஜஸ்தான் ராயல்ஸ் பரிதாபமாக வெளியேறும். ஆனால், இன்றைய போட்டியில் மழை குறுக்கிட வாய்ப்பில்லை. ஆதலால், போட்டி முழுமையாக நடைபெறும் என்பது குறிப்பிடத்தக்கது. இதே போன்று ஒரு போட்டி கடந்த ஆண்டு ஐபிஎல் ஃபைனலில் நடைபெற்றது. இதில், சிஎஸ்கே மற்றும் குஜராத் அணிகளுக்கு இடையிலான இறுதிப் போட்டி மழையால் பாதிக்கப்பட்ட நிலையில், ரிசர்வ் டேக்கு மாற்றப்பட்டது. ரிசர்வ் டேயிலும் மழை குறுக்கிடவே டக் ஒர்த் லீவிஸ் முறைப்படி சிஎஸ்கே வெற்றி பெற்று 5ஆவது முறையாக சாம்பியனானது.