ராமுடன் கைகோர்க்கும் சியான்.. விரைவில் வரப்போகுது விக்ரம் 63 அப்டேட்? - தயாரிப்பாளர் யார் தெரியுமா?
Chiyaan Vikram 63 : பிரபல இயக்குனர் பா ரஞ்சித் இயக்கத்தில் முதல் முறையாக சியான் விக்ரம் நடித்து எதிர்வரும் 2024 ஆம் ஆண்டு ஜனவரி மாதம் 26 ஆம் தேதி வெளியாக உள்ள திரைப்படம் தான் தங்கலான்.
Thangalaan
முற்றிலும் மாறுபட்ட கதாபாத்திரத்தில் நடிகர் விக்ரம், மாளவிகா மோஹனன், நடிகர் பசுபதி மற்றும் ஹரி கிருஷ்ணன் உள்ளிட்ட பலர் அந்த திரைப்படத்தில் நடித்திருப்பது குறிப்பிடத்தக்கது. இந்த படத்திற்கான படப்பிடிப்பு பணிகள் முடிந்துள்ள நிலையில் தற்போது ரிலீஸ் தேதி அறிவிக்கப்பட்டுள்ளது.
Vikram 62
வருகின்ற நவம்பர் 1ம் தேதி தங்கலான் திரைப்படத்தின் டீசர் வெளியாகியுள்ள நிலையில், சில தினங்களுக்கு முன்பு விக்ரம் நடிப்பில் வெளியாகவுள்ள அவருடைய 62வது திரைப்படம் குறித்து அறிவிப்பு வெளியானது. இந்த திரைப்படத்தை இயக்குனர் ஏ யூ அருண்குமார் இயக்கும் நிலையில், பிரபல நடிகரும், இசையமைப்பாளருமான ஜிவி பிரகாஷ் அந்த திரைப்படத்திற்கு இசையமைக்க உள்ளதாக தகவல்கள் வெளியானது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
Vikram 63 Update
இன்னும் விக்ரமின் 62வது திரைப்பட தகவலே முழுமையாக வெளியாகாத நிலையில் அவருடைய 63வது திரைப்படம் குறித்த தகவல்கள் தற்பொழுது வெளியாகி உள்ளது. பிரபல நடிகர் ஹிப் ஹாப் ஆதி அவர்களை வைத்து "அன்பறிவு" என்கின்ற திரைப்படத்தை இயக்கிய அஸ்வின் ராம் தான் சியான் 63 திரைப்படத்தை இயக்க உள்ளார் என்றும், பிரபல லைக்கா நிறுவனம் அந்த திரைப்படத்தை தயாரிக்க உள்ளதாகவும் தகவல்கள் வெளியாகி உள்ளது. ஆனால் இது குறித்து அதிகாரப்பூர்வ தகவல்கள் இன்னும் வெளியாகவில்லை என்பது குறிப்பிடத்தக்கது.