நதியா போல் வயசு ஏற ஏற இளமையாகிக் கொண்டே போகும் ஸ்ரீதேவி விஜயகுமாரின் லேட்டஸ்ட் யங் லுக் போட்டோஸ் இதோ

விஜயகுமாரின் இரண்டாவது மனைவி மஞ்சுளாவுக்கு மொத்தம் மூன்று மகள்கள். அதில் மூத்தவர் தான் வனிதா, இரண்டாவது பிறந்தவர் ப்ரீத்தா, மூன்றாவது மகள் ஸ்ரீதேவி. இவர்கள் மூவருமே சினிமாவில் ஹீரோயினாக நடித்துள்ளனர். வனிதா விஜய்க்கு ஜோடியாகவே நடித்துவிட்டார். அதேபோல் ப்ரீத்தாவும் திருமணத்துக்கு முன்பு வரை சினிமாவில் நடித்தார்.

இயக்குனர் ஹரியை திருமணம் செய்துகொண்ட பின்னர் சினிமாவை விட்டு விலகிவிட்டார் ப்ரீத்தா. அக்கா சினிமாவை விட்டு விலகியதும் அவரது தங்கை ஸ்ரீதேவி சினிமாவில் காலடி எடுத்து வைத்தார். தமிழில் அவர் முதன்முதலில் நடித்த திரைப்படம் காதல் வைரஸ். கதிர் இயக்கிய இப்படத்தில் அஜித்தின் மச்சான் ரிச்சர்டுக்கு ஜோடியாக நடித்தார் ஸ்ரீதேவி.

இதன்பின்னர் விக்ரமன் இயக்கிய பிரியமான தோழி திரைப்படம் தான் ஸ்ரீதேவிக்கு மிகப்பெரிய திருப்புமுனையாக அமைந்தது. அப்படத்தில் நடிகர் மாதவனுக்கு தோழியாக நடித்து இருந்தார் ஸ்ரீதேவி. பின்னர் நடிகர் தனுஷுக்கு ஜோடியாக தேவதையை கண்டேன் படத்தில் நடித்த ஸ்ரீதேவி அதன் பின்னர் தமிழ் படங்களில் நடிக்கவே இல்லை.

இதையும் படியுங்கள்... வரலட்சுமியின் வருங்கால கணவரின் முன்னாள் மனைவி உலக அழகியா? கண்டீஷனோடு திருமணம்.. பயில்வான் பகிர்ந்த சீக்ரெட்!

கடந்த 2009-ம் ஆண்டு நடிகை ஸ்ரீதேவிக்கு திருமணம் ஆனது. அவர் ராகுல் என்பவரை திருமணம் செய்துகொண்டார். இந்த ஜோடிக்கு ஒரு பெண் குழந்தையும் உள்ளது. ராகுல் உடனான திருமணத்துக்கு பின்னர் சினிமாவிற்கு முழுக்கு போட்ட ஸ்ரீதேவி சின்னத்திரை ரியாலிட்டி ஷோக்களில் தொடர்ந்து பங்கெடுத்து வருகிறார்.

தற்போது விஜய் டிவியில் ஒளிபரப்பாகும் ஜோடி ஆர் யூ ரெடி நிகழ்ச்சியில் நடுவராக பங்கேற்றுள்ள ஸ்ரீதேவி, வார வாரம் விதவிதமான ஆடையில் வந்து அசரவைக்கிறார். அந்த வகையில் அந்நிகழ்ச்சிக்காக நீல நிற லெஹங்கா அணிந்து கியூட்டாக போஸ் கொடுத்த லவ்லி போட்டோஸ் வைரலாகி வருகிறது.

இதையும் படியுங்கள்... மனைவிக்கு மாரடைப்பு.. சிகிச்சைக்கு பணமின்றி தவித்தேன்; கடவுள் போல வந்து உதவினார் ரஜினி- லிவிங்ஸ்டன் நெகிழ்ச்சி