கோலிவுட்டில் தலைதூக்கும் நெபோடிசம்... விஜய் மகன் முதல் வனிதா மகள் வரை இத்தனை பேர் அறிமுகமாகிறார்களா?

சினிமாவில் வாரிசு நடிகர்கள் அறிமுகமாவது தொடர்கதை ஆகி வருகிறது. இந்தி மற்றும் தெலுங்கு திரையுலகம் பெரும்பாலும் ஒரு குறிப்பிட்ட குடும்பத்தின் கீழ் தான் இயங்கி வருகிறது என்றே சொல்லலாம். ஆனால் தமிழ் திரையுலகம் அதில் இருந்து சற்று வித்தியாசமானதாக திகழ்ந்து வருகிறது. இங்கும் ஏராளமான வாரிசு நடிகர், நடிகைகள் அறிமுகமானாலும் திறமை இருந்தால் மட்டுமே அவர்களால் உயரத்தை தொட முடியும். திறமை இல்லாதவர்கள் ஓரிரு படங்களோடு சினிமாவை விட்டே விலகிய சம்பவங்களும் நிறைய நடந்திருக்கின்றன. இந்த நிலையில், தற்போது தமிழ் சினிமாவில் வாரிசுகளின் ஆதிக்கம் அதிகரிக்க தொடங்கி உள்ளது. அதைப்பற்றி இந்த தொகுப்பில் பார்க்கலாம்.

நடிகர் விஜய்யின் மகன் ஜேசன் சஞ்சய் தமிழ் திரையுலகில் இயக்குனராக அறிமுகமாகி உள்ளார். அவர் இயக்கும் முதல் படத்தை லைகா நிறுவனம் தயாரிக்க உள்ளது. இப்படத்திற்கான ஆரம்பக்கட்ட பணிகளை சஞ்சய் மும்முரமாக செய்து வருகிறார். மகனின் சினிமா எண்ட்ரி பற்றி நடிகர் விஜய் எந்தவித கருத்தும் தெரிவிக்காமல் சைலண்டாகவே உள்ளார்.

நடிகர் விஜய் சேதுபதி தற்போது பான் இந்தியா அளவில் பிசியான நடிகராக வலம் வந்துகொண்டிருக்கும் நிலையில், அவரது மகன் சூர்யா சேதுபதி தமிழில் ஹீரோவாக களமிறங்கி உள்ளார். அவர் அறிமுகமாகும் திரைப்படத்தை அனல் அரசு மாஸ்டர் இயக்குவதோடு தயாரிக்கவும் உள்ளார். இப்படத்திற்கு பீனிக்ஸ் என பெயரிடப்பட்டு உள்ளது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Click this link: https://whatsapp.com/channel/0029Va9TFCWB4hdYZOoYCK2D

மறைந்த நடிகர் முரளிக்கு அதர்வா, ஆகாஷ் என இரு மகன்கள் உள்ளனர். இதில் அதர்வா ஏற்கனவே ஹீரோவாக அறிமுகமாகி கலக்கிக் கொண்டிருக்கும் நிலையில் அவரின் தம்பி ஆகாஷும் தற்போது ஹீரோவாக களமிறங்கி உள்ளார். அவர் அறிமுகாமும் திரைப்படத்தை விஷ்ணுவர்தன் இயக்குகிறார். இப்படத்தில் ஆகாஷுக்கு ஜோடியாக அதிதி ஷங்கர் நடிக்கிறார்.

நடிகர் தனுஷ் இயக்குனர், பாடகர், நடிகர், தயாரிப்பாளர் என பன்முகத்திறமை கொண்டவராக வலம் வந்து கொண்டிருக்கிறார். தற்போது தனது 50-வது படத்தை அவரே இயக்கி நடிக்கிறார். இப்படத்தை தொடர்ந்து மேலும் ஒரு படத்தை இயக்க உள்ள தனுஷ், அதற்கான பூஜையையும் போட்டுள்ளார். அப்படத்தில் தனுஷின் அக்கா மகன் வருண் தான் ஹீரோவாக அறிமுகமாக உள்ளாராம்.

நடிகர் விஜயகுமாரின் மகளான வனிதா, பிக்பாஸ் சென்று பிரபலமானது போல் அவரது மகளையும் பிக்பாஸுக்கு அனுப்பி பேமஸ் ஆக்கிவிட்டார். பிக்பாஸுக்கு பின்னர் ஜோவிகா சினிமாவில் பிசியாகி உள்ளார். அவர் தற்போது பார்த்திபனிடம் உதவி இயக்குனராக பணியாற்றி வருகிறார். இதுமட்டுமின்றி ஹீரோயினாகவும் நடிக்க ஜோவிகா கமிட் ஆகி உள்ளதாக கூறப்படுகிறது.

இதையும் படியுங்கள்... ஆர்.கே.சுரேஷால் ஆருத்ரா வழக்கில் செம்ம டுவிஸ்ட்... தலைமறைவாக இருந்தவர் திடீரென சென்னை வந்ததன் பின்னணி என்ன?