Jason Sanjay: இவரு நம்ப லிஸ்டுலையே இல்லையே பாஸ்! குட்டி தளபதி இயக்கும் படத்தின் ஹீரோ இந்த நடிகரின் மகனாம்!
தளபதி விஜய்யின் மகன் ஜேசன் சஞ்சய் இயக்கும், படத்தின் ஹீரோ பற்றிய புதிய தகவல் ஒன்று சமூக வலைத்தளத்தில் தீயாக பரவி வருகிறது.
Director Jason Sanjay
தளபதி விஜய்யின் மகன் ஜேசன் சஞ்சய்க்கு பல படங்களில் நடிக்க வாய்ப்புகள் தேடி வந்த போதும், தன்னுடைய தாத்தாவை போல் ஒரு இயக்குனராக தான் ஆவேன் என, சினிமா மேக்கிங் குறித்த படிப்பை லண்டனில் படித்து முடித்துவிட்டு, சொந்த ஊருக்கு திரும்பியதும் தன்னுடைய முதல் படம் குறித்த அறிவிப்பை வெளியிட்டார்.
Jason sanjay
ஜேசன் சஞ்சய் இயக்கும் முதல் படத்தை, லைக்கா நிறுவனம் தயாரிக்க உள்ளதாக அறிவிப்பு கடந்த சில மாதங்களுக்கு முன்பு வெளியான நிலையில், இப்படத்தின் ஆரம்பகட்ட பணிகளில் சஞ்சய் கவனம் செலுத்தி வருவதாகவும், விரைவில் பூஜையுடன் படப்பிடிப்பு துவங்கும் என கூறப்படுகிறது.
Jason sanjay
சஞ்சய்யில் முதல் பட ஹீரோ யாராக இருக்கும் என்கிற விவாதம் தொடர்ந்து ஒருபுறம் நடந்து கொண்டிருக்க, இதில் விஜய் சேதுபதி, கவின் உட்பட சில நடிகர்களின் பெயர்கள் அடிபட்டது. ஆனால் இதுகுறித்து படக்குழு தரப்பில் இருந்து, எந்த ஒரு உறுதியான தகவலும் வெளியாகவில்லை. இதையடுத்து தற்போது முன்னணி நடிகரின் மகனிடம் தான் பேச்சுவார்த்தை நடந்து வருவதாக நெருங்கிய வட்டாரங்களில் கூறப்படுகிறது.
mahaan movie
சஞ்சய் இயக்கும் படத்தில் நடிக்க உள்ள அந்த ஹீரோ வேறு யாரும் இல்லை. நடிகர் விக்ரமின் மகன் துருவ் விக்ரம் தான். இவர் கதாநாயகனாக அறிமுகமான 'அர்ஜுன் ரெட்டி' திரைப்படம் இயக்குனர் பாலாவால் மிகப்பெரிய குழப்பத்திற்கு ஆளான நிலையில், மீண்டும் இந்த படத்தில் துருவ் நடித்தார். ஆனால் பட்ட கஷ்டத்திற்கு இந்த படம் பலன் கொடுக்கவில்லை. இதை தொடர்ந்து தந்தையுடன் நடித்த மகான் படமும் வெற்றிபெறாமல் போனது.
அடுத்ததாக இயக்குனர் மாரி செல்வராஜ் இயக்கத்தில் துருவ் விக்ரம் ஒரு படத்தில் நடிப்பார் என எதிர்பார்க்கப்படுகிறது. இதை தொடர்ந்து, தற்போது ஜேசன் சஞ்சய் இயக்கத்தில் நடிக்கவும் பேச்சு வார்த்தை நடைபெறுகிறது. இப்படம் இரண்டு வார்ஸிகளுக்குமே கொடுக்குமா? எந்த அளவுக்கு இந்த தகவல் உண்மை என்பதை பொறுத்திருந்து பார்ப்போம்.