Goundamani Networth: 84 வயதிலும் ஹீரோவாக நடிக்கும்.. காமெடி கிங் கவுண்டமணியின் சொத்து மதிப்பு இத்தனை கோடியா?
முன்னணி காமெடி நடிகராக இருந்த நடிகர் கவுண்டமணி, தற்போது கதையின் நாயகனாக நடித்து வரும் நிலையில், இவரின் சொத்து மதிப்பு குறித்த தகவலை இந்த தொகுப்பில் பார்க்கலாம்.
1939 ஆம் ஆண்டு, கோயம்புத்தூர் மாவட்டம், பொள்ளாச்சி அருகே உள்ள வல்லகொண்டபுரம் என்கிற ஒரு கிராமத்தில் பிறந்தவர் தான் கவுண்டமணி. இவரின் உண்மையான பெயர் சுப்புரமணி. நடிக்கும் பொது இவர் போடும் கவுண்ட்டர்... அந்த படத்திற்கு வேற லெவலுக்கு ரீச் கொடுத்ததால், கவுண்டர் மணியாக இருந்து... பின்னர் கவுண்டமணியாக மாறி விட்டது.
ஒரு நாடக நடிகராக தன்னுடைய கேரியரை துவங்கிய இவர், மேடை நாடகங்களில்... எழுதிய வசங்களை விட, ஸ்பாட்டில் ரசிகர்களை சிரிக்க வைக்கும் அளவுக்கு காமெடியில் அசத்தினார். சக கலைஞர்கள் கொடுத்த ஊக்கத்தினால், திரைப்பட வாய்ப்பை தேட துவங்கினார். பல பட கம்பெனிகளில் ஏறி இறங்கிய போது, ஒரு வழியாக நாகேஷ் நடித்த 'சர்வர் சுந்தரம்' படத்தில் டிரைவராக நடிக்கும் வாய்ப்பு கிடைத்தது.
இதை தொடர்ந்து மீண்டும் சில வருடங்களுக்கு பின்னர், விடாமுயற்சியோடு வாய்ப்பு தேடினார். அப்போது தான் ராமன் எத்தனை ராமனடி, தேனும் பாலும், போன்ற படங்களில் சிறு சிறு வேடத்தில் நடிக்கும் வாய்ப்பு கிடைத்தது. இதை தொடர்ந்து இயக்குனர் பாரதிராஜா, 16 வயதினிலே படத்தில் நடிக்கும் வாய்ப்பை கொடுத்தார். இதை தொடர்ந்து, கிழக்கே போகும் ரயில், சிவப்பு ரோஜாக்கள், புதிய வார்ப்புகள் என அடுத்தடுத்து அவரது படங்களில் நடிக்க துவங்கினார்.
பின்னர் 80-களில் செந்திலுடன் இவர் இணைந்து நடித்த காமெடி காட்சிகள் மிகப்பெரிய அளவிற்கு வரவேற்பை பெற்றது. ஒரு கட்டத்தில், ஹீரோவுக்கு இணையாக சம்பளம் வாங்கும் காமெடியனாக படு பிசியான நடிகராக வலம் வந்தார். 90-களில் ஒரே வருடத்தில் இவர் 20க்கும் மேற்பட்ட படங்களில் நடித்துள்ளார்.
Goundamani
2000-ஆம் ஆண்டுகளில் மெல்ல மெல்ல, காமெடி காட்சியில் நடிப்பதை குறைத்து கொண்டு... குணசித்ர வேடங்களில் நடிக்க துவங்கினர். தற்போது இவருக்கு 84 வயது என்றாலும், உடலை செம்ம ஃபிட்டாக வைத்திருக்கும் கவுண்டமணி, கதையின் நாயகனாக நடித்து வருகிறார். அந்த வகையில், கடைசியாக 2016ஆம் ஆண்டு 'எங்களுக்கு வேறு எங்கும் கிளைகள் கிடையாது' மற்றும் 'வாய்மை' ஆகிய படங்களில் நடித்திருந்தார்.
Goundamani
தற்போது நடிகர் யோகி பாபுவுடன் முதல் முறையாக இணைந்து , 'ஒத்த நோட்டு முத்தையா' என்கிற படத்தில் நடித்து வருகிறார். இந்த படத்தின் படப்பிடிப்பு முடியும் தருவாயில் உள்ள நிலையில் விரைவில் இப்படம் குறித்த அப்டேட் வெளியாகும் என தெரிகிறது.
84 வயதிலும், கதையின் நாயகனாக நடித்து அசத்தி வரும், காமெடி கிங் கவுண்டமணியின் சொத்து மதிப்பு குறித்த தகவல் வெளியாகியுள்ளது. அதாவது இவருக்கு சென்னையில் பல இடங்களில் வீடுகள் உள்ளது. அதே போல், சொந்த ஊரிலும் ஏகப்பட்ட இடங்கள், வீடுகள் உள்ளது. சில நிறுவனங்களிலும் முதலீடு செய்துள்ளதாக கூறப்படுகிறது. அதே போல் கார் பிரியரான இவர் பல கார்களும் வைத்துள்ளார். இவரின் சொத்து மதிப்பு குறித்து தற்போது வெளியாகியுள்ள தகவலின் படி 50 முதல் 70 கோடி வரை இருக்கலாம் என கூறப்படுகிறது. ஆனால் இதுகுறித்த எந்த ஒரு அதிகார பூர்வ தகவலும் இல்லை.