விஜய்யிடம் கால்ஷீட் இல்லாததால்... மாஸ் நடிகருக்கு வலைவீசும் அட்லீ & நெல்சன் - அந்த ஜாக்பாட் வாய்ப்பு யாருக்கு?
நடிகர் விஜய்யின் படங்களை இயக்கியதன் மூலம் பேமஸ் ஆன அட்லீயும், நெல்சனும் அடுத்ததாக பிரபல மாஸ் நடிகருக்கு கதை சொல்லி ரிசல்டுக்காக காத்திருக்கிறார்களாம்.
Atlee, nelson
இயக்குனர் அட்லீ, நெல்சன் இருவரும் தமிழ் சினிமாவில் தவிர்க்க முடியாத இயக்குனராக உருவெடுத்துள்ளனர். இவர்கள் இருவருமே முதல் படத்திலேயே பிரம்மாண்ட வெற்றியை ருசித்தவர்கள், அதுமட்டுமின்றி இவர்கள் இருவருக்கும் திருப்புமுனையை ஏற்படுத்தியது நடிகர் விஜய்யின் படங்கள் தான். அட்லீ விஜய்யை வைத்து தெறி, மெர்சல், பிகில் என மூன்று படங்களை இயக்கிவிட்டார். அதேபோல் நெல்சனும் விஜய்யுடன் பீஸ்ட் படத்தில் பணியாற்றினார்.
Atlee, vijay, nelson
விஜய் படத்தை இயக்கிய பின்னர் அட்லீ மற்றும் நெல்சன் இருவரின் வாழ்க்கையே மாறிவிட்டது. குறிப்பாக பிகில் படத்தை இயக்கி முடித்தகையோடு அட்லீக்கு பாலிவுட் நடிகர் ஷாருக்கானை இயக்கும் வாய்ப்பு கிடைத்தது. அதேபோல் பீஸ்ட் படம் இயக்கி முடித்த கையோடு நெல்சனுக்கு ரஜினியின் ஜெயிலர் படத்தை இயக்கும் வாய்ப்பு கிடைத்தது. இந்த வாய்ப்பை நன்கு பயன்படுத்திக்கொண்ட இருவரும் பிரம்மாண்ட வெற்றியை ருசித்துள்ளனர்.
இதையும் படியுங்கள்... முதன்முறையாக தன்னுடைய 3 பிள்ளைகளை அறிமுகப்படுத்திய குக் வித் கோமாளி பாலாவுக்கு குவியும் வாழ்த்துக்கள்
Atlee, nelson, lokesh
ரஜினியை வைத்து நெல்சன் இயக்கிய ஜெயிலர் திரைப்படம் கடந்த மாதம் திரைக்கு வந்து பிளாக்பஸ்டர் ஹிட் ஆனது. அப்படம் ரூ.650 கோடிக்கு மேல் வசூலை வாரிக்குவித்து உள்ளது. மறுபுறம் பாலிவுட்டில் விஜய் சேதுபதி, நயன்தாரா, யோகிபாபு என தன் கோலிவுட் படையோடு களமிறங்கிய அட்லீ, அங்கு வசூல் சக்ரவர்த்தியாக மாறி இருக்கிறார். ஷாருக்கானை வைத்து இவர் இயக்கிய ஜவான் திரைப்படம் பாக்ஸ் ஆபிஸில் ரூ.1000 கோடியை நெருங்கி வருகிறது.
Atlee, allu arjun, nelson
இப்படி தொடர்ந்து இரண்டு மாஸ் ஹிட் படங்களை கொடுத்த இருவரும் அடுத்த படத்தில் விஜய் உடன் இணைய ஆசைப்பட்டாலும், அவரிடம் கால்ஷீட் இல்லாத காரணத்தால், டோலிவுட் பக்கம் சென்றுள்ளனர். அங்கு மாஸ் நடிகராக வலம் வரும் அல்லு அர்ஜுனுக்கு அட்லீ மற்றும் நெல்சன் இருவருமே கதை சொல்லி உள்ளனர். இதில் யாருடைய கதையை அல்லு அர்ஜுன் ஓகே செய்ய உள்ளார் என்பது இன்னும் உறுதியாகவில்லை. அவர் யாருடைய கதையை ஓகே பண்ணினாலும் அந்த படத்திற்கு அனிருத் இசையமைப்பார் என்பது மட்டும் உறுதியாக தெரிகிறது.
இதையும் படியுங்கள்... மெர்சல் அரசனுக்கு பர்த்டே! சிவகார்த்திகேயனை இயக்கியது முதல் தன் காதலை படமாக்கியது வரை அட்லீ பற்றிய சீக்ரெட்ஸ்