Kushi Box Office: முதல் நாளே பாக்ஸ் ஆபீசில் அடித்து நொறுக்கிய 'குஷி' படத்தின் வசூல்? எவ்வளவு தெரியுமா?
சமந்தா - விஜய் தேவரகொண்டா நடிப்பில் நேற்று வெளியான குஷி படத்தின் முதல் நாள் வசூல் குறித்த தகவல் தற்போது வெளியாகியுள்ளது.
விஜய் தேவரகொண்டா மற்றும் சமந்தா நடிப்பில் மிகப்பெரிய எதிர்பார்ப்புக்கு மத்தியில் நேற்று வெளியான 'குஷி' திரைப்படம்... தொடர்ந்து ரசிகர்கள் மற்றும் சினிமா விமர்சகர்கள் மத்தியில் பாசிட்டிவான விமர்சனங்களை பெற்று வருகிறது.
இயக்குனர் ஷிவா நிர்வாணா இயக்கி உள்ள இந்த படம்... ஒரு எளிமையான காதல் கதை என்றாலும், அதை சுவாரஸ்யமான மற்றும் ரசிகர்களை கவரும் விதத்தில் கொண்டு சென்றுள்ளதே இப்படத்தின் மிகப்பெரிய வெற்றி என கூறலாம். தெலுங்கில் உருவாகியுள்ள இந்த படத்தை, தமிழ், மலையாளம், இந்தி உள்ளிட்ட மொழிகளில் டப்பிங் செய்து, பான் இந்தியா படமாக வெளியிட்டுள்ளது படக்குழு.
அதே போல், படத்திற்கு ரசிகர்கள் மத்தியில் கிடைத்து வரும் வரவேற்பை கண்டு இப்படம் வெளியான முதல் நாளே, திரையரங்கம் முன்பு பட்டாசு வெடித்து, இப்படத்தின் வெற்றியை கொண்டாடியது படக்குழு. இந்த படத்தை பிரமாண்ட பட்ஜட்டில் தயாரித்துள்ளது மைத்ரேயி மூவிஸ் நிறுவனம். மேலும், இப்படத்தில் லட்சுமி, Sachin Khedekar, ரோகினி, முரளி ஷர்மா, சரண்யா பொன்வண்ணன் என பல நட்சத்திரங்கள் நடித்துள்ளனர்.
'குஷி' திரைப்படம் உலகம் முழுவதும் நேற்று வெளியான நிலையில், தெலுங்கு ரசிகர்கள் மத்தியில் மட்டும் இன்றி, அனைத்து மொழி ரசிகர்கள் மத்தியில் நல்ல வரவேற்பை பெற்று வருகிறது. குறிப்பாக தமிழில் சுமார் 200 திரையரங்குகளில் குஷி திரைப்படம் வெளியானது. முதல் நாளில் சுமார் 20 கோடி வரை வசூலித்துள்ளதாகவும், தமிழகத்தில் ரூபாய் 1 கோடிக்கு மேல் வசூலித்துள்ளதாக கூறப்படுகிறது.
இரண்டு மாடி.. அதிரடியாக களமிறக்கப்படும் பொம்பள பிக்பாஸ்? இது நம்ப லிஸ்டுலையே இல்ல பாஸ்!