விஜய் டிவி TRP-க்கு ஆப்பு! வெங்கடேஷ் பட் - தாமு வைத்து ஸ்கெட்ச் சன் டிவி! புது நிகழ்ச்சி குறித்து கசிந்த தகவல்
விஜய் டிவி-யில் ஒளிபரப்பாகி வரும் 'குக் வித் கோமாளி' நிகழ்ச்சியில் இருந்து, விலகுவதாக செஃப் தாமு மற்றும் வெங்கடேஷ் பட் சமீபத்தில் அறிவித்த நிலையில், இவர்கள் வேறு ஒரு சேனலுக்கு தாவியுள்ள தகவல் தற்போது வெளியாகியுள்ளது.
விஜய் டிவியில், கடந்த 2019-ஆம் ஆண்டு துவங்கப்பட்ட காமெடி நிறைந்த சமையல் நிகழ்ச்சி 'குக் வித் கோமாளி'. முதல் சீசனில், ரக்ஷன் மற்றும் அறந்தாங்கி நிஷா ஆகியோர் இந்த நிகழ்ச்சியை தொகுத்து வழங்கிய நிலையில், நடுவர்களாக வெங்கடேஷ் பட் மற்றும் உலக சாதனை செய்த சமையல் கலைஞரான செஃப் தாமு ஆகியோர் இருந்தனர்.
10 குக்குகள் கலந்து கொண்டு விளையாடிய முதல் சீசனில், புகழ், பாலா, சுனிதா, மணிமேகலை, சிவாங்கி, தங்கதுரை உள்ளிட்டோர் கோமாளிகளாக இருந்தனர். முதல் சீசனில் வனிதா விஜயகுமார் டைட்டில் பட்டத்தை கைப்பற்றினார்.
இதை தொடர்ந்து நடத்தப்பட்ட 'குக் வித் கோமாளி' நிகழ்ச்சியின் 4 சீசன்களிலும் நடுவர்களாக தாமுவும், வெங்கடேஷ் பட்டும் இருந்த நிலையில், பிக்பாஸ் நிகழ்ச்சி நிறைவடைந்ததில் இருந்து, குக் வித் கோமாளி நிகழ்ச்சி அடுத்த சீசன் பற்றிய அறிவிப்புகள் தொடர்ந்து வந்த வண்ணம் உள்ளது.
இதில் கலந்து கொள்ளும் போட்டியாளர்களின் உத்தேச பெயர் பட்டியல் வெளியானதோடு, இந்த முறையும் தாமு மற்றும் வெங்கடேஷ் பட் ஆகியோர் நடுவர்களாக இருப்பார்கள் என செய்திகள் கசிந்தன. இதற்க்கு விளக்கம் கொடுக்கும் விதமா சமீபத்தில் அறிக்கை வெளியிட்ட வெங்கடேஷ் பட், அதிரடியாக 'குக் வித் கோமாளி' நிகழ்ச்சியில் இருந்து விலகுவதை அறிவித்தார். விரைவில் மற்றொரு நிகழ்ச்சியில் சந்திக்க உள்ளதாகவும் தெரிவித்தார்.
இவர் இந்த அறிக்கையை வெளியிட்ட இரண்டே நாட்களில் செஃப் தாமுவும், 'குக் வித் கோமாளி நிகழ்ச்சியில் இருந்து வெளியேறுவதையும், கூடிய சீக்கிரம் வெங்கடேஷ் பட்டுடன் இணைந்து புதுமையான நிகழ்ச்சியில் மக்களை சந்திக்க உள்ளதாகவும் கூறினார்.
cooku with comali 3
தற்போது வெளியாகியுள்ள தகவலின் படி இவர்கள் இருவரும், விஜய் டிவியில் இருந்து தாவி... சன் டிவியில் துவங்க உள்ள மாறுபட்ட சமையல் நிகழ்ச்சியில் நடுவர்களாக வர உள்ளதாகவும் இதற்கான முன்னேற்பாடுகள் தற்போது நடந்து வருவதாகவும் கூறப்படுகிறது. அடுத்த மாதம் இந்த நிகழ்ச்சி குறித்த அறிவிப்பு வெளியாகும் என தெரிகிறது. விஜய் டிவியின் TRP-க்கு ஆப்பு வைக்கும் விதமாக இப்படி ஒரு நிகழ்ச்சியை கொண்டு வர போகிறதாம் சன் டிவி.
சேனலை கிளிக் செய்து பின்தொடரவும்
