மினிமம் 1000 கோடி வசூல்.. அது தான் டார்கெட் - பக்காவா பிளான் போட்டு களமிறங்கும் ஐந்து தென்னிந்திய படங்கள்!

இந்த ஆண்டு வெளியான பல தென்னிந்திய திரைப்படங்கள் 600 முதல் 1000 கோடி என்கின்ற மிகப்பெரிய வசூலை கண்டு மாபெரும் வெற்றி திரைப்படங்களாக மாறி உள்ளது. அண்மையில் வெளியான பொன்னியின் செல்வன், லியோ மற்றும் ஜெயிலர் உள்ளிட்ட திரைப்படங்கள் இதற்கு சாட்சியாக அமைகின்றது. இந்த சூழலில் தென்னிந்தியாவில் வெளியாக உள்ள ஐந்து முக்கிய திரைப்படங்கள், குறைந்தபட்சம் ஆயிரம் கோடி வசூலை எட்டும் என்று எதிர்பார்க்கப்படுகிறது.

தமிழ் சினிமாவில் இதுவரை எடுக்கப்படாத ஒரு வித்தியாசமான கதை காலத்தோடு உருவாகி வரும் திரைப்படம் தான் சிறுத்தை சிவாவின் இயக்கத்தில், நடிகர் சூர்யா நடித்து வரும் கங்குவா. இந்த படம் மிகப்பெரிய அளவில் எதிர்பார்ப்புகளை ஏற்படுத்தி உள்ள நிலையில், இந்த திரைப்படம் அவதார் பட பாணியில் இருக்கும் என்று பாடலாசிரியர் மதன் கார்த்தி சில தகவல்களை வெளியிட்டது படத்தின் மீதான எதிர்பார்ப்புகளை இன்னும் அதிகரித்துள்ளது. அடுத்த ஆண்டு வெளிவர உள்ள இந்த திரைப்படமும் சுமார் 1000 கோடி ரூபாய் வசூலை எட்டும் என்று எதிர்பார்க்கப்படுகிறது.

கிராண்டா ஒரு ஆடியோ லான்ச்.. அடுத்த வெற்றிக்கு தயாரான SK - இரு முக்கிய அறிவிப்புகளை வெளியிட்ட அயலான் படக்குழு!

KGF திரைப்படத்திற்கு பிறகு கன்னட உலகை மட்டுமல்லாமல் இந்திய திரையுலகையே திரும்பி பார்க்கவைத்த படம் தான் காந்தாரா. இதனையடுத்து இந்த படத்தின் இயக்குனர் மற்றும் ஹீரோ ரிஷப் ஷெட்டிக்கு தமிழ் மொழியிலும் ரசிகர் கூட்டம் அதிகரித்துள்ளது. இந்நிலையில் காந்தாரா உலக அளவில் 450 கோடி வசூல் செய்துள்ள நிலையில், விரைவில் அதன் Prequel படமாக வெளியாகவுள்ள காந்தாரா 2, உலக அளவில் 1000 கோடி வசூலை எட்டும் என்று எதிர்பார்க்கப்படுகிறது. சுமார் 300 முதல் 450 ADக்குள் கதைக்களம் கொண்டு காந்தாரா உருவாகிறது.

பிரம்மாண்ட இயக்குனர் சங்கர் இயக்கத்தில் வெளியான இந்தியன் திரைப்படத்தின் வெற்றியை தொடர்ந்து தற்பொழுது இந்தியன் 2 திரைப்படம் உருவாகி வருகிறது. கடந்த 2018 ஆம் ஆண்டு உருவாக துவங்கிய இந்த திரைப்படம், பல தடைகளை தாண்டி, அடுத்த (2024) வருடம் திரையரங்குகளில் வெளியாக உள்ளது. மிக மிகப் பெரிய அளவில் எதிர்பார்ப்புகளை ஏற்படுத்தி உள்ள இந்த திரைப்படமும் சுமார் 1000 கோடி ரூபாய் வசூலை எட்டும் என்று எதிர்பார்க்கப்படுகிறது.

தெலுங்கு திரையுலகில் மட்டுமல்லாமல், இந்திய திரையுலகமே கண்டிராத அளவிற்கு சுமார் 600 கோடி ரூபாய் பட்ஜெட்டில் வைஜந்தி மூவீஸ் நிறுவனம் உருவாக்கி வரும் திரைப்படம் தான் கல்கி 2898 AD. பிரபாஸ், உலக நாயகன் கமல்ஹாசன், அமிதாப் பச்சன், தீபிகா படுகோனே உள்ளிட்ட பல முன்னணி நடிகர்கள் நடிப்பில் உருவாகும் இந்த படம் நிச்சயம் 1000 கோடி வசூலை தாண்டும் என்று எதிர்பார்க்கப்படுகிறது. 

பிரபல நடிகர்கள் பிரபாஸ் மற்றும் பிரித்திவிராஜ், நடிகை ஸ்ருதிஹாசன் நடிப்பில் கேஜிஎப் திரைப்படத்தின் மூலம் பிரபலமான பிரசாந்த் நீல் இயக்கும் திரைப்படம் தான் சலார். சுமார் 350 கோடிக்கு மேல் பட்ஜெட் கொண்ட இந்த திரைப்படம் வருகின்ற டிசம்பர் 22ஆம் தேதி உலக அளவில் வெளியாக உள்ளது. கேஜிஎப் திரைப்படத்திலிருந்து முற்றிலும் மாறுபட்ட ஒரு திரைப்படமாக இப்படம் அமையும் என்று கூறப்பட்டுள்ள நிலையில், உலக அளவில் ஆயிரம் கோடி ரூபாயை தாண்டி இந்த திரைப்படம் வசூல் செய்யும் என்று எதிர்பார்க்கப்படுகிறது.

ஏசியாநெட் தமிழ் செய்திகளைஉடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.