பா.இரஞ்சித்தின் அடுத்த படம் ‘கள்ளிப் பால்ல ஒரு டீ’! 4 பெண்களுடன் தரமான சம்பவம் செய்ய தயாரான தங்கலான் இயக்குனர்
தங்கலான் படத்தின் ரிலீஸ் பணிகளில் பிசியாக உள்ள இயக்குனர் பா.இரஞ்சித், தன்னுடைய அடுத்த படத்துக்கான அறிவிப்பை வெளியிட்டு இருக்கிறார்.
Pa Ranjith
இயக்குனர் வெங்கட் பிரபுவிடம் உதவி இயக்குனராக பணியாற்றியவர் பா.இரஞ்சித். இதையடுத்து அட்டக்கத்தி படம் மூலம் இயக்குனராக அறிமுகமான அவர், முதல் படத்திலேயே வித்தியாசமான காதல் கதை மூலம் கவனம் ஈர்த்தார். அட்டக்கத்தி படத்தின் வெற்றிக்கு பின்னர் மெட்ராஸ், காலா, கபாலி, சார்பட்டா பரம்பரை என தொடர்ந்து ஹிர் படங்களை கொடுத்து தமிழ் சினிமாவில் டாப் இயக்குனர் லிஸ்ட்டில் இடம்பிடித்துவிட்டார் பா.இரஞ்சித்.
Thangalaan
பா.இரஞ்சித் இயக்கத்தில் தற்போது தங்கலான் திரைப்படம் தயாராகி உள்ளது. விக்ரம் நாயகனாக நடித்துள்ள இப்படத்தில் மலையாள நடிகைகள் பார்வதி மற்றும் மாளவிகா மோகனன் ஆகியோர் நாயகிகளாக நடித்துள்ளார். நடிகர் பசுபதியும் இப்படத்தில் முக்கிய கதாபாத்திரத்தில் நடித்துள்ளார். ஸ்டூடியோ கிரீன் நிறுவனம் சார்பில் ஞானவேல் ராஜா தயாரித்துள்ள இப்படத்திற்கு ஜிவி பிரகாஷ்குமார் இசையமைத்து உள்ளார். இப்படம் அடுத்த ஆண்டு ஜனவரி மாதம் திரைக்கு வர உள்ளது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
Director Pa Ranjith
பா.இரஞ்சித் இயக்குனராக மட்டுமின்றி தயாரிப்பாளராகவும் பல்வேறு வெற்றிப்படங்களை கொடுத்துள்ளார். இவரது நீலம் புரொடக்ஷன்ஸ் நிறுவனம் மூலம் பரியேறும் பெருமாள், இரண்டாம் உலகப்போரின் கடைசி குண்டி, ரைட்டர், பொம்மை நாயகி, குதிரைவால் போன்ற வித்தியாசமான கதையம்சம் கொண்ட படங்கள் வெளியாகி விமர்சன ரீதியாக வெற்றிபெற்ற வண்ணம் உள்ளன. அந்த வகையில் தான் தயாரிக்கும் அடுத்த பட அறிவிப்பை வெளியிட்டு இருக்கிறார் பா.இரஞ்சித்.
Kalli Paal La Oru Tea
அவர் தயாரிக்கும் புதிய படத்திற்கு ‘கள்ளிப் பால்ல ஒரு டீ’ என பெயரிடப்பட்டு உள்ளது. டைட்டில் மூலமே இப்படம் நிச்சயம் சமுதாயத்தில் மிகப்பெரிய தாக்கத்தை ஏற்படுத்தும் என தெரிகிறது. இது ஆந்தாலஜி படமாக தயாராக உள்ள இப்படத்தை 4 பேர் இயக்க உள்ளனர். அந்த நான்கு பேருமே பெண்கள் தான். அவர்கள் பெயர், அபிஷா, சினேகா பெல்சின், கனிஷ்கா, சிவரஞ்சனி. இப்படம் மூலம் தான் இவர்கள் நால்வருமே இயக்குனராக அறிமுகமாகி உள்ளனர் என்பது குறிப்பிடத்தக்கது.
இதையும் படியுங்கள்... என் மூஞ்சிலயே குத்திட்டு தப்பி ஓடிட்டான்; வெறித்தனமாக தாக்கிய பிரதீப் ரசிகர்.. வலியால் துடிதுடித்துப்போன வனிதா