நான் ரெடி தான் வரவா... த.வெ.க கட்சியின் முதல் மாநாட்டை அலப்பறையாக நடத்த ரெடியாகும் விஜய்! எங்கு? எப்போது?
நடிகர் விஜய் தனது தமிழக வெற்றிக் கழகம் கட்சியின் முதல் மாநாட்டை பிரம்மாண்டமாக நடத்துவதற்கான பணிகளில் இறங்கி உள்ளதாக தகவல்கள் தெரிவிக்கின்றன.
Vijay
தமிழ் சினிமாவில் வசூல் சக்ரவர்த்தியாக வலம் வருபவர் விஜய். தற்போது டாப் பார்மில் இருக்கும் அவர், திடீரென அரசியலுக்குள் நுழைய உள்ளதாக அறிவித்துள்ளதோடு, தளபதி 69 படத்துக்கு பின்னர் சினிமாவில் நடிக்க மாட்டேன் என்றும் அறிவித்துள்ளார். அதுமட்டுமின்றி அவர் தலைமையிலான தமிழக வெற்றிக் கழகம் கட்சி வருகிற நாடாளுமன்ற தேர்தலில் போட்டியிடாது என்றும், தங்களது டார்கெட் 2026-ல் நடைபெறும் சட்டமன்ற தேர்தல் தான் எனவும் திட்டவட்டமாக அறிவித்துள்ளார்.
Vijay political Party
தமிழக வெற்றிக் கழகம் கட்சியின் வரவால் தமிழ்நாட்டில் அரசியல் களம் சூடுபிடித்துள்ளது. தற்போது தன்னுடைய கட்சியை வலுப்படுத்தும் பணியில் தீவிரமாக இறங்கி இருக்கும் விஜய், முதற்கட்டமாக நிர்வாகிகளை நியமிக்க முடிவெடுத்துள்ளாராம். அதன்படி தற்போது கட்சி ரீதியாக 100 மாவட்டங்களை உருவாக்கும் பணிகளில் இறங்கி இருக்கிறாராம். அந்த மாவட்டங்களில் நிர்வாகிகளை நியமிக்கும் பணிகளை முடிக்க உள்ளாராம்.
இதையும் படியுங்கள்... சைலண்டாக சம்பவம் செய்யும் நெல்சன்... ஜெயிலர் 2 படத்தின் அப்டேட்டை காத்துவாக்குல கசியவிட்ட பிரபல நடிகை
Tamilaga Vettri Kazhagam
அந்த நிர்வாகிகள் நியமிக்கப்பட்டதும் பிரம்மாண்ட மாநாட்டை நடத்த இருக்கிறாராம் விஜய். அதன்படி விஜய்யின் தமிழக வெற்றிக் கழகத்தின் முதல் மாநாடு மதுரையில் நடைபெற உள்ளதாம். வருகிற ஏப்ரல் மாதம் மதுரையில் இந்த மாநாட்டை நடத்த திட்டமிட்டுள்ளாராம் விஜய். அதில் தமிழகம் முழுவதிலும் இருந்து தனது கட்சி நிர்வாகிகளை திரட்டி அலப்பறையாக அந்த மாநாட்டை நடத்த பிளான் போட்டு வருகிறாராம் தளபதி.
Tamilaga vettri Kazhagam First Conference
புதிதாக அரசியல் கட்சி தொடங்குபவர்களுக்கு மதுரை தான் ராசியான இடம் என்பது அனைவரும் அறிந்ததே. கடைசியாக கட்சி தொடங்கிய நடிகர் கமல்ஹாசன் தன்னுடைய கட்சியின் முதல் மாநாட்டை மதுரையில் தான் நடத்தினார். அதே பார்முலாவை நடிகர் விஜய்யும் பின்பற்றி வருகிறார். விஜய்யின் மாநாடு தமிழக அரசியலில் மிகப்பெரிய தாக்கத்தை ஏற்படுத்தக்கூடும் என எதிர்பார்க்கப்படுகிறது.
இதையும் படியுங்கள்... எந்திரன் கமல் முதல் கோ சிம்பு வரை... டாப் ஹீரோக்கள் நடிக்க மறுத்து பிளாக்பஸ்டர் ஹிட் ஆன தமிழ் படங்கள் லிஸ்ட்