நானும் எவ்ளோ நாள் தான் சிங்கிளாவே இருக்குறது... திடீரென திருமண அறிவிப்பை வெளியிட்ட பிரேம்ஜி - பொண்ணு யாரு?
இயக்குனர் வெங்கட் பிரபுவின் சகோதரரும், நடிகருமான பிரேம்ஜி அமரன் தனது திருமணம் குறித்து முக்கிய அறிவிப்பை வெளியிட்டு இருக்கிறார்.
premgi Amaren
தமிழ் திரையுலகில் பாடகர், இசையமைப்பாளர், நடிகர், இயக்குனர் என பன்முகத்திறமை கொண்டவராக வலம் வந்தவர் கங்கை அமரன். இவருக்கு வெங்கட் பிரபு, பிரேம்ஜி என இருமகன்கள் உள்ளனர். இதில் அவரது மூத்த மகனான வெங்கட் பிரபு தமிழ் சினிமாவில் டாப் இயக்குனராக வலம் வந்துகொண்டிருக்கிறார். அவர் தற்போது நடிகர் விஜய்யை வைத்து The Greatest of All Time என்கிற திரைப்படத்தை இயக்கி வருகிறார். இப்படத்தின் ஷூட்டிங் விறுவிறுப்பாக நடைபெற்று வருகிறது.
![article_image2](https://static-ai.asianetnews.com/images/01fy80zvv1d25vb6g8jv2rrbff/prem_300x225xt.jpg)
premgi
அதேபோல் கங்கை அமரனின் இளைய மகன் பிரேம்ஜியும் சினிமாவில் பாடகர், நடிகர், இசையமைப்பாளர் என பன்முகத்திறமையாளராக வலம் வருகிறார். இவர் கடந்த 2006-ம் ஆண்டு சிம்பு நடிப்பில் வெளிவந்த வல்லவன் படம் மூலம் நடிகராக அறிமுகமானார். இதையடுத்து வெங்கட் பிரபு இயக்கத்தில் அவர் நடித்த சென்னை 28 திரைப்படம் தான் பிரேம்ஜிக்கு மிகப்பெரிய திருப்புமுனையாக அமைந்தது. அப்படத்தில் அவர் பேசிய, ‘என்ன கொடுமை சார் இது’ என்கிற டயலாக் இன்றளவும் டிரெண்டிங்கில் உள்ளது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
premgi about marriage
இவர் நடிகராக மட்டுமின்றி இசையமைப்பாளராகவும் பல்வேறு படங்களில் பணியாற்றி உள்ளார். குறிப்பாக வெங்கட் பிரபு இயக்கிய மன்மத லீலை, பார்ட்டி போன்ற திரைப்படங்களுக்கு பிரேம்ஜி தான் இசையமைத்து இருந்தார். இதுதவிர 12பி, ராம், திருப்பாச்சி, சென்னை 28, மங்காத்தா, வல்லவன், கோவா போன்ற பிளாக்பஸ்டர் ஹிட் படங்களில் பல வெற்றிப்பாடல்களை பாடியும் இருக்கிறார் பிரேம்ஜி. அவருக்கு தற்போது 44 வயதாகிறது.
premgi X post
இத்தனை வயதாகியும் திருமணம் செய்துகொள்ளாமல் முரட்டு சிங்கிளாகவே வலம் வருகிறார் பிரேம்ஜி. அவருக்கு எப்போ திருமணம் ஆகும் என்கிற கேள்வி பல வருடங்களாக முன்வைக்கப்பட்டு வந்தாலும் அதற்கு விடை கிடைத்தபாடில்லை. இந்த நிலையில், தன் திருமணம் குறித்து பிரேம்ஜியே ஒரு அப்டேட்டை கொடுத்துள்ளார். புத்தாண்டன்று ரசிகர்களுக்கு வாழ்த்து தெரிவித்த அவர், இந்த வருடம் கண்டிப்பாக திருமணம் செய்துகொள்வேன் என அறிவித்துள்ளார். ஆனால் பெண் யார் என்பது குறித்து அவர் எந்தவித தகவலையும் தெரிவிக்கவில்லை.
இதையும் படியுங்கள்... KGF-ல் ராக்கி பாய் ஆக மிரட்டிய யாஷ்.. சுந்தரபாண்டியன் படத்துல நடிச்சிருக்காரா? இவ்ளோ நாளா இதுதெரியாம போச்சே..!