மகனை தொடர்ந்து மகளின் திருமணம்.. தளபதி 68 பட நடிகர் ஜெயராம் வீட்டில் களைகட்டும் கல்யாண சீசன்
நடிகர் ஜெயராமின் மகன் காளிதாஸுக்கு கடந்த மாதம் நிச்சயதார்த்தம் நடந்த நிலையில், தற்போது அவரின் மகள் மாளவிகாவுக்கும் நிச்சயதார்த்தம் நடந்து முடிந்துள்ளது.
jayaram family
மிமிக்ரி ஆர்டிஸ்ட் ஆக தன்னுடைய பயணத்தை தொடங்கிய ஜெயராமுக்கு 1990-களில் சினிமாவில் நடிக்கும் வாய்ப்பு கிடைத்தது. இதையடுத்து மலையாளம் மற்றும் தமிழ் மொழி படங்களில் நடித்த இவருக்கு தனி ரசிகர் பட்டாளமே உருவானது. வாயதான பின்னரும் ஹீரோவாக தான் நடிப்பேன் என்று முரண்டு பிடிக்காமல் தன் வயதிற்கு ஏற்ற வேடங்களை தற்போது ஏற்று நடித்து வருகிறது. ஜெயராமுக்கு பார்வதி என்கிற பெண்ணுடன் கடந்த 1992-ம் ஆண்டு திருமணம் ஆனது. இந்த ஜோடிக்கு காளிதாஸ் என்கிற மகனும், மாளவிகா என்கிற மகளும் உள்ளனர்.
![article_image2](https://static-ai.asianetnews.com/images/01hh6qn9v4fa36nad7zwj3qg92/743c2429-fe49-468b-809c-a3a8514064ea_300x374xt.jpg)
kalidas and malavika jayaram
ஜெயராம் தற்போது நடிகர் விஜய்யின் தளபதி 68 திரைப்படத்தில் நடித்து வருகிறார். ஜெயராமை போல் அவரது மகன் காளிதாஸும் சினிமாவில் ஹீரோவாக கலக்கி வருகிறார். இவர் மலையாளம் மட்டுமின்றி தமிழ் படங்களிலும் நடித்து வருகிறார். நேற்று கூட இவர் நடித்த அவள் பெயர் ரஜினி என்கிற திரைப்படம் திரையரங்குகளில் ரிலீஸ் ஆனது. ஆனால் ஜெயராமின் மகள் மாளவிகா சினிமா பக்கம் தலைகாட்டாமலே இருந்து வந்தார்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
kalidas and malavika jayaram with their fiance
இதனிடையே நடிகர் காளிதாஸ் ஜெயராமுக்கு கடந்த மாதம் நிச்சயதார்த்தம் நடந்து முடிந்தது. அவர் தனது நீண்ட நாள் காதலியான தாரினியை விரைவில் கரம்பிடிக்க உள்ளார். இவர்களின் திருமண நிச்சயதார்த்தம் கேரளாவில் கடந்த மாதம் கோலாகலமாக நடைபெற்றது. இதில் திரையுலக பிரபலங்களும் கலந்துகொண்டு மணமக்களை வாழ்த்தினர். விரைவில் இந்த ஜோடிக்கு திருமணம் நடைபெற உள்ளது.
malavika jayaram Engagement
தன் மகன் காளிதாஸ் ஜெயராமின் திருமண நிச்சயதார்த்தத்தை நடத்தி முடித்த கையோடு தன் மகள் மாளவிகாவின் நிச்சயதார்த்தத்தையும் நடத்தி முடித்துள்ளார் நடிகர் ஜெயராம். மாளவிகாவும், நவ்னீத் கிரீஷ் என்பவரும் நீண்ட நாட்களாக காதலித்து வந்த நிலையில், அவர்களுக்கு திருமணம் நிச்சயமாகி உள்ளது. இவர்களது திருமண நிச்சயதார்த்தம் கேரளாவில் நடந்துள்ளது. அப்போது எடுத்த புகைப்படங்கள் வைரலாகி வருகின்றன. தன் இரு பிள்ளைகளுக்கும் அடுத்தடுத்து திருமணம் நிச்சயமாகி உள்ளதால் நடிகர் ஜெயராம் வீட்டில் திருமண சீசன் களைகட்டி உள்ளது.
இதையும் படியுங்கள்... தம்மாத்தூண்டு தாடியை எடுக்க மறுத்ததால்... மணிரத்னத்தின் மாஸ்டர் பீஸ் பட வாய்ப்பை மிஸ் பண்ணிய விக்ரம்..!