தம்மாத்தூண்டு தாடியை எடுக்க மறுத்ததால்... மணிரத்னத்தின் மாஸ்டர் பீஸ் பட வாய்ப்பை மிஸ் பண்ணிய விக்ரம்..!
தமிழ் திரையுலகில் டாப் இயக்குனராக வலம் வரும் மணிரத்னத்தின் மாஸ்டர் பீஸ் படத்தில் சீயான் விக்ரம் நடிக்க மறுத்தது பற்றி இந்த தொகுப்பில் பார்க்கலாம்.
vikram, Maniratnam
தமிழ் சினிமாவில் உடலை வருத்திக் கொண்டு நடிக்கும் நடிகர்களை விரல்விட்டு எண்ணிவிடலாம். அந்த பட்டியலில் முன்னணியில் இருப்பவர் சீயான் விக்ரம் தான். ஒரு படத்துக்காக எந்தவிதமான ரிஸ்க்குகளையும் எடுக்கக்கூடியவர் என்பது அனைவரும் அறிந்ததே. சேது படத்தில் தொடங்கி, விரைவில் வெளிவர இருக்கும் தங்கலான் வரை இவர் தன் உடலை வறுத்திக்கொண்டு ஏராளமான திரைப்படங்களில் நடித்துள்ளார். இதுவே மக்கள் மத்தியில் அவருக்கு தனி மாரியாதையையும் உருவாக்கி உள்ளது.
Chiyaan Vikram
குறிப்பாக ஷங்கர் இயக்கத்தில் வெளிவந்த ஐ படத்துக்காக சுமார் 30 கிலோ உடல் எடையை குறைத்து நடித்திருந்தார். இதையடுத்து தற்போது பா.இரஞ்சித் இயக்கத்தில் உருவாகி இருக்கும் தங்கலான் படத்துக்காகவும் சுமார் 20 கிலோ வரை உடல் எடையை குறைத்துள்ளதோடு மட்டுமின்றி உடலை வறுத்திக் கொண்டு பல ஸ்டண்ட் காட்சிகளிலும் நடித்திருந்தார். இதன் எதிரொலியாக அப்படத்தின் ஷுட்டிங் ஸ்பாட்டில் அடிபட்டு விக்ரமிற்கு விலா எழும்பும் உடைந்தது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
vikram missed Maniratnam movie
இப்படி ரிஸ்க் எடுத்து நடித்து சினிமாவில் ஏராளமான வெற்றிப்படங்களைக் கொடுத்துள்ள சீயான் விக்ரம், சில பட வாய்ப்புகளை தவறவிட்ட சம்பவங்களும் அரங்கேறி இருக்கின்றன. குறிப்பாக அவர் தவறவிட்ட மிக முக்கிய படம் என்றால் அது மணிரத்னம் இயக்கிய பம்பாய் படம் தான். இந்த படத்தில் ஹீரோவாக நடிக்க மணிரத்னம் முதலில் அணுகியது சீயான் விக்ரமை தானாம். ஆனால் அவர் ஒரே ஒரு காரணத்துக்காக இப்படத்தில் நடிக்க மறுத்துவிட்டாராம்.
vikram rejected bombay movie
அந்த சமயத்தில் வேறொரு படத்துக்காக விக்ரம் தாடி வளர்த்து வந்திருக்கிறார். மணிரத்னம் பம்பாய் படத்துக்காக தாடி எடுக்க சொன்னதால், அப்படத்தில் நடிக்க மறுத்துவிட்டாராம் விக்ரம். இதையடுத்து தான் அப்பட வாய்ப்பு அரவிந்த் சாமிக்கு சென்றது. அவர் நடித்ததை அடுத்து அப்படம் மிகப்பெரிய வெற்றி பெற்றதோடு, தமிழ் சினிமாவின் கிளாசிக் ஹிட் படமாகவும் பம்பாய் அமைந்தது. விக்ரம் மட்டும் அதில் நடித்திருந்தால் அது அவரது கெரியரில் மிகபெரிய திருப்புமுனையாக அமைந்திருக்கும். பம்பாய் படத்தில் நடிக்கும் வாய்ப்பை விக்ரம் மிஸ் செய்து இருந்தாலும் இராவணன் மற்றும் பொன்னியின் செல்வன் என இரண்டு படங்களில் மணிரத்னத்துடன் பணியாற்றும் வாய்ப்பு அவருக்கு கிடைத்தது குறிப்பிடத்தக்கது.
இதையும் படியுங்கள்... 40 ஆண்டுகளாக சினிமாவில் நடித்தவர்... முண்டாசுப்பட்டி பட நடிகர் மதுரை மோகன் காலமானார் - சோகத்தில் திரையுலகம்
சேனலை கிளிக் செய்து பின்தொடரவும்
