அஜர்பைஜான் செல்லும் விடாமுயற்சி படக்குழு.. அஜித்துடன் இரண்டாம் முறை இணையும் ஒளிப்பதிவாளர் - அப்டேட் இதோ!

தல அஜித் நடிப்பில் இறுதியாக இவ்வாண்டு துவக்கத்தில் துணிவு என்கின்ற திரைப்படம் வெளியாகி மக்கள் மத்தியில் நல்ல வரவேற்பை பெற்றது. அதனைத் தொடர்ந்து பிரபல இயக்குனர் விக்னேஷ் சிவன் அவர்கள் தல அஜித் அவர்களை இயக்க உள்ளதாக தகவல்கள் வெளியானது. இது கோலிவுட் வட்டாரத்தில் மிகப்பெரிய எதிர்பார்ப்புகளை ஏற்படுத்தியது.

கோடானகோடி மனிதர்களின் வேண்டுதல்கள் பலிக்கும்.. விஜயகாந்த் நலம்பெற நடிகர் சூர்யா விருப்பம்..

ஆனால் அதன் பிறகு அவர் இந்த திரைப்படத்திலிருந்து விக்கி விலகி விட்டதாகவும், அவருக்கு பதிலாக பிரபல இயக்குனரும், நடிகருமான மகிழ் திருமேனி தல அஜித் அவர்களை இயக்குவார் என்ற தகவல்கள் வெளியானது. அதன்படி விடாமுயற்சி என்ற தலைப்போடு அந்த திரைப்படம் உருவாக துவங்கியது, ஆனாலும் பல மாதங்கள் அந்த படம் முன்னேற்றங்கள் இல்லாமல் கிடப்பில் கிடந்தது.

இந்த சூழலில் பல்வேறு காத்திருப்புகளுக்கு பிறகு இந்த திரைப்படம் உருவாக ஆரம்பித்த நிலையில், தல அஜித் மற்றும் நடிகை திரிஷா உள்ளிட்ட விடாமுயற்சி படக்குழு அஜர்பைஜான் நாட்டிற்கு சென்று படப்பிடிப்பு பணிகளை துவங்கினர். முதற்கட்ட படபிடிப்பு முடிந்து தல அஜித் அவர்கள் சென்னை திரும்பிய நிலையில் தற்போது டிசம்பர் 7ஆம் தேதி முதல் ஒரே கட்டமாக சுமார் 70 நாட்கள் அஜர்பைஜான் நாட்டில் மீண்டும் இரண்டாம் கட்ட படப்பிடிப்பு துவங்கவுள்ளதாம். 

மேலும் இந்த திரைப்படத்திற்கு தல அஜித் அவர்களுடன் ஆரம்பம் திரைப்படத்தில் பணியாற்றிய பிரபல ஒளிப்பதிவாளர் ஓம் பிரகாஷ் அவர்கள் ஒளிப்பதிவு பணிகளை மேற்கொள்வார் என்று தகவல்கள் வெளியாகி உள்ளது. விடாமுயற்சி படப்பிடிப்பின்போது பிரபல கலை இயக்குனர் மிலன் மரணித்தது நினைவுகூரத்தக்கது.

ஏசியாநெட் தமிழ் செய்திகளைஉடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.