14 பிளாப் படங்கள் கொடுத்த ரஜினி பட நடிகை.. ஆனா இப்ப OTT-ல் இவங்க தான் டாப்.. இத்தனை கோடி சம்பளமா?

பாலிவுட் சினிமாவை பொறுத்தவரை பிரபலங்களின் பிள்ளைகளின் ஆதிக்கம் அதிகம். பல நட்சத்திரக் குழந்தைகள் திரைப்படங்களில் நடித்தாலும் சிலர் மட்டுமே தங்கள் பெற்றோரின் பாரம்பரியத்தைத் தொடர்வதில் வெற்றி பெறுகிறார்கள், சிலரோ திரைத்துறையில் தோல்வியடைந்து வேறு தொழிலைத் தேர்வு செய்கிறார்கள். கடந்த 10 வருடங்களாக ஒரு ஹிட் கூட கொடுக்காத இந்த நடிகை ஆனால், இப்போது டிஜிட்டல் தளத்தில் கோலோச்சி வருகிறார்..

இந்த நடிகை தனது திரைப்பயணத்தை ஒரு பிளாக்பஸ்டருடன் தொடங்கினாலும், அடுத்தடுத்து 11 படங்கள் பிளாப் ஆனது. இருப்பினும், தற்போது ஒரு OTT வெப் சீரிஸ் அவரது வாழ்க்கையை மீட்டெடுத்துள்ளது. அவர் வேறு யாருமல்ல சோனாக்ஷி சின்ஹா தான்.

பிரபல பாலிவுட் நடிகர் சத்ருகன் சின்ஹாவின் மகள் சோனாக்ஷி சின்ஹா. தபாங் படத்தின் மூலம் பாலிவுட்டில் அறிமுகமானார். அந்த படத்தில் அவருக்கு ஒரு சிறிய பாத்திரம் இருந்தாலும், நடிகை தனது முத்திரையை பதித்து மற்றொரு பிளாக்பஸ்டர் ரவுடி ரத்தோர் படத்தில் நடித்தார்.

2014 ஆம் ஆண்டில், அவரது ஹாலிடே-எ சோல்ஜர் இஸ் நெவர் ஆஃப் டூட்டி திரைப்படம் வெற்றி படமாக அமைந்தது. அதே ஆண்டில் கே.எஸ்.ரவிக்குமார் இயக்கத்தில் ரஜினிகாந்த் நடிப்பில் வெளியான லிங்கா படத்திலும் சோனாக்‌ஷி சின்ஹா நடித்திருந்தார். லிங்கா படமும் தோல்வி அடைந்தது.

இதை தொடர்ந்து ஆக்சன் ஜாக்சன், தேவர், அகிரா, ஃபோர்ஸ் 2, நூர், இட்டெஃபாக், வெல்கம் டு நியூயார்க், ஹேப்பி பிர்ர் பாக் ஜாயேகி, கலங்க், மற்றும் கந்தானி ஷஃபாகானா அடுத்தடுத்து வெளியான 11 படங்களும் பாக்ஸ் ஆபிஸில் தோல்வியடைந்தது.

இருப்பினும், அக்ஷய் குமார், வித்யா பாலன் மற்றும் டாப்ஸி பண்ணு நடித்த அவரது அடுத்த படமான மிஷன் மங்கல் சராசரி வெற்றி பெற்றது. ஆனால் இதற்குப் பிறகு, அவரது அடுத்த சில படங்களும் பாக்ஸ் ஆபிஸில் பெரும் பின்னடைவை சந்தித்தன. சோனாக்‌ஷியின் பெரும்பாலான தனி படங்கள் பாக்ஸ் ஆபிஸில் வெற்றி பெறவில்லை..

இந்த சூழலில் தான் சோனாக்‌ஷி சின்ஹா 2023 ஆம் ஆண்டில், OTT இல் நுழைந்தார். தஹாத் என்ற வெப் சீரிஸில்  அறிமுகமானார். இந்த சீரிஸில் காவல்துறை அதிகாரியாக அவர் நடித்திருந்தார்.. அவரின் நடிப்பு விமர்சகர்கள் மற்றும் ரசிகர்களிடம் பாராட்டை பெற்றது.

இதை தொடர்ந்து தற்போது ஞ்சய் லீலா பன்சாலியின் ஹீராமாண்டி வெப் சீரிஸில் சோனாக்‌ஷி முதன்மை கதாப்பாத்திரத்தில் நடித்தார். ரெஹானா மற்றும் ஃபரீதன் என்று இரட்டை வேடங்களில் தனது அசத்தலான நடிப்பை வெளிப்படுத்தி உள்ளார் சோனாக்‌ஷி.

இந்த வெப் சீரிஸ் மூலம் சோனாக்‌ஷிக்கு நல்ல வரவேற்பு கிடைத்துள்ளது. அவரின் நடிப்புக்கு பலரும் பாராட்டு தெரிவித்து வருகின்றனர். சோனாக்‌ஷி ஒரு OTT நிகழ்ச்சிக்கு ரூ 2 கோடி வரை சம்பளம் வாங்குவதாக கூறப்படுகிறது..