விஜய் டிவி சீரியல் ஹீரோயினுடன்.. விரைவில் சன் டிவி நாயகனுக்கு திருமணம்! காதலுக்கு பச்சை கொடி காட்டிய குடும்பம்
'சிங்கப்பெண்ணே' சீரியலில் நடித்து வரும் அமல் ஜித் மற்றும், விஜய் டிவி சீரியல் ஹீரோயின் ஒருவரை காதலித்து வரும் நிலையில், இருவருக்கும் விரைவில் திருமணம் நடைபெற உள்ளதாக கூறப்படுகிறது.
சன் டிவியில் சமீபத்தில் ஆரம்பமான சீரியல் 'சிங்கப்பெண்ணே'. இதில் ஹீரோவாக அமல் ஜித்... அன்பு என்கிற கதாபாத்திரத்தில் நடிக்க ஹீரோயினாக மனிஷா மகேஷ்... ஆனந்தி என்கிற ரோலில் நடித்து வருகிறார். துவங்கிய ஒரே மாதத்தில் இந்த சீரியல், டாப் 3 TRP பட்டியலில் இடம்பிடித்து கெத்து காட்டி வருகிறது.
இந்த சீரியலில் ஹீரோவாக நடித்து வரும் அமல் ஜித், ஏற்கனவே கலர்ஸ் தொலைக்காட்சியில் ஒளிபரப்பான 'அம்மன்' என்கிற தொடரில் நடித்து, மிகவும் பிரபலமானார். இந்த தொடரில் இவருக்கு ஜோடியாக தற்போது விஜய் டிவி தொலைக்காட்சியில் ஒளிபரப்பாகி வரும் 'கண்ணே கலைமானே' தொடரில் பானு என்கிற கதாபாத்திரத்தில் நடித்து வரும், பவித்ரா அரவிந்த் நடித்து வந்தார்.
இந்த சீரியலில் இருவரும் ஜோடியாக நடித்து கொண்டிருக்கும் போது ஏற்பட்ட காதல்... விரைவில் திருமணத்தில் முடிய உள்ளதாக கூறப்படுகிறது. அமல் ஜித் - பவித்ரா திருமணத்திற்கு இரு வீட்டு பெற்றோரும் சம்மதம் தெரிவித்துவிட்ட நிலையில்... விரைவில் இவர்களின் திருமணம் குறித்த தகவல் வெளியாகலாம் என கூறப்படுகிறது.
இவர்கள் இருவருமே சமீப காலமாக... காதலை உறுதிப்படுத்தும் விதத்தில், சமூக வலைத்தளத்தில் விதவிதமான ரீல்ஸ் வெளியிட்டு வருகின்றனர் என்பது குறிப்பிடத்தக்கது. இதை தொடர்ந்து இந்த ஜோடிகளுக்கு வாழ்த்துக்களை தற்போது குவிந்த வண்ணம் உள்ளது குறிப்பிடத்தக்கது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
சேனலை கிளிக் செய்து பின்தொடரவும்
