குடும்பத்தோடு சென்று... சூப்பர்ஸ்டார் ரஜினியின் பேவரைட் காரை சொந்தமாக வாங்கிய ஏ.ஆர்.முருகதாஸ் - போட்டோஸ் இதோ
இயக்குனர் ஏ.ஆர்.முருகதாஸ், தனது குடும்பத்தினருடன் சென்று புதிதாக சொகுசு கார் வாங்கியபோது எடுத்த புகைப்படங்கள் வைரலாகி வருகின்றன.
AR Murugadoss
தமிழ் திரையுலகில் முன்னணி இயக்குனராக வலம் வருபவர் ஏ.ஆர்.முருகதாஸ். அஜித், விஜய், சூர்யா போன்ற டாப் ஹீரோக்களுக்கு மிகப்பெரிய திருப்புமுனை திரைப்படங்களை கொடுத்தது முருகதாஸ் தான். இவர் அஜித்தின் தீனா திரைப்படத்தின் மூலம் தான் இயக்குனராக அறிமுகமானார். இதையடுத்து விஜயகாந்தை வைத்து இவர் இயக்கிய ரமணா திரைப்படம் இன்றளவும் ரசிகர்களால் கொண்டாடப்படும் படமாக இருந்து வருகின்றது.
AR Murugadoss family
பின்னர் சூர்யாவுக்கு கஜினி, விஜய்யை வைத்து கத்தி, துப்பாக்கி, சர்க்கார் என தொடர்ந்து பிளாக்பஸ்டர் ஹிட் படங்களை கொடுத்த ஏ.ஆர்.முருகதாஸ், கடைசியாக ரஜினியின் தர்பார் படத்தை இயக்கி இருந்தார். கடந்த 2020-ம் ஆண்டு இப்படம் திரைக்கு வந்தது. தர்பார் படம் பெரியளவில் வெற்றியடையாததால் கடந்த சில ஆண்டுகளாக படங்களை இயக்காமல் இருந்து வந்த ஏ.ஆர்.முருகதாஸ், சுமார் 4 ஆண்டு இடைவெளிக்கு பின்னர் அடுத்தபடத்தை ஆரம்பிக்க உள்ளார்.
இதையும் படியுங்கள்...
AR Murugadoss new car
அதன்படி ஏ.ஆர்.முருகதாஸ் இயக்கத்தில் உருவாக உள்ள புதிய திரைப்படத்தில் சிவகார்த்திகேயன் ஹீரோவாக நடிக்கிறார். இப்படத்தின் ஆரம்பக்கட்ட பணிகள் தொடங்கி விறுவிறுப்பாக நடைபெற்று வருகிறது. வித்தியாசமான கதையம்சத்துடன் உருவாக உள்ள இப்படத்தின் மூலம் மீண்டும் கம்பேக் கொடுக்க காத்திருக்கிறார் ஏ.ஆர்.முருகதாஸ். இப்படத்தில் சிவகார்த்திகேயனுக்கு ஜோடியாக மிருணாள் தாக்கூர் நடிக்க உள்ளதாக கூறப்படுகிறது.
AR Murugadoss BMW X7 car
சிவகார்த்திகேயன் பட வேலைகளில் பிசியாக உள்ள ஏ.ஆர்.முருகதாஸ் தற்போது குடும்பத்துடன் சென்று சொகுசு கார் ஒன்றை வாங்கி இருக்கிறார். அவர் BMW X7 மாடல் காரை தான் தற்போது வாங்கி உள்ளார். இந்த காரின் மதிப்பு ரூ.1.40 கோடி இருக்கும் என கூறப்படுகிறது. இது சூப்பர்ஸ்டார் ரஜினியின் பேவரைட் காரும் கூட. அண்மையில் ஜெயிலர் பட சக்சஸுக்காக கலாநிதி மாறன் இரண்டு கார்களில் தங்களுக்கு பிடித்த காரை எடுத்துக் கொள்ளுமாரு சூப்பர் ஸ்டார் வீட்டில் இரண்டு கார்களை நிறுத்தி இருந்தார். அதில் சூப்பர்ஸ்டார் தேர்வு செய்தது BMW X7 காரை தான். தற்போது அதே மாடல் காரை ஏ.ஆர்.முருகதாஸ் வாங்கி இருக்கிறார் என்பது குறிப்பிடத்தக்கது.
இதையும் படியுங்கள்... ஹாட்ரிக் ஹிட் கொடுத்தும் கண்டுகொள்ளாத விஜய்... தளபதியை விட்டு பிரிந்த கதை சொல்லி ஃபீல் பண்ணிய ஏ.ஆர்.முருகதாஸ்
சேனலை கிளிக் செய்து பின்தொடரவும்
