சிவகார்த்திகேயன் சம்பளத்தில் கைவைக்க போகிறாரா கமல்ஹாசன்? எஸ்.கே.21 படத்துக்கு வந்த புது சிக்கல்
கமல்ஹாசனின் ராஜ்கமல் பிலிம்ஸ் தயாரிப்பில் சிவகார்த்திகேயன் நடிக்கும் எஸ்.கே.21 படத்தினால் தயாரிப்பாளருக்கு புது சிக்கல் ஏற்பட்டு உள்ளதாம்.
sivakarthikeyan, kamalhaasan
விக்ரம் படத்தின் பிரம்மாண்ட வெற்றிக்கு பின்னர் நடிகர் கமல்ஹாசன், தயாரிப்பாளராகவும் செம்ம பிசியாகி உள்ளார். அவர் தயாரிப்பில் தற்போது 4 படங்கள் தயாராகி வருகின்றன. இதில் இரண்டு படத்தில் கமல்ஹாசன் நாயகனாக நடிக்கிறார். அதில் ஒன்று மணிரத்னம் இயக்கும் தக் லைஃப் மற்றொன்று ஹெச் வினோத் இயக்கும் படம். இதில் தக் லைஃப் படத்தை மெட்ராஸ் டாக்கீஸ் மற்றும் ரெட் ஜெயண்ட் ஆகிய நிறுவனங்களுடன் இணைந்து தயாரிக்கிறார் கமல்.
sai pallavi, sivakarthikeyan
இதுதவிர சிம்புவின் எஸ்.டி.ஆர்.48 திரைப்படத்தையும் கமல்ஹாசன் தான் தயாரிக்கிறார். இப்படத்தை கண்ணும் கண்ணும் கொள்ளையடித்தால் படத்தின் இயக்குனர் தேசிங்கு பெரியசாமி இயக்குகிறார். இப்படத்தின் ஆரம்பக்கட்ட பணிகள் தற்போது விறுவிறுப்பாக நடைபெற்று வருகிறது. வரலாற்று கதையம்சம் கொண்ட படமாக இது உருவாக உள்ளதால், இப்படத்தை சுமார் ரூ.100 கோடி பட்ஜெட்டில் தயாரிக்க திட்டமிட்டுள்ளாராம் கமல்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
SK 21
இதேபோல் சிவகார்த்திகேயன் நடிப்பில் உருவாகி வரும் எஸ்.கே.21 படத்தையும் கமல்ஹாசன் தான் தயாரித்து வருகிறார். இப்படத்தை ராஜ்குமார் பெரியசாமி இயக்குகிறார். இப்படத்தில் சிவகார்த்திகேயனுக்கு ஜோடியாக சாய் பல்லவி நடித்துள்ளார். இப்படத்தின் படப்பிடிப்பு இறுதிக்கட்டத்தை எட்டி உள்ளது. இப்படத்தில் சிவகார்த்திகேயன் ராணுவ வீரராக நடித்துள்ளதால் இதன் பெரும்பாலான படப்பிடிப்பு காஷ்மீரில் தான் நடைபெற்றது.
Kamalhaasan
இதன் காரணமாக எஸ்.கே.21 படத்தின் பட்ஜெட் எகிறிவிட்டதாக கூறப்படுகிறது. திட்டமிட்டதைவிட ரூ.25 கோடி அதிகமாகிவிட்டதால் என்ன செய்வதென்று தெரியாமல் திக்குமுக்காடிப் போய் உள்ளாராம் கமல்ஹாசன். இதனை ராஜ்கமல் நிறுவனத்துடன் சேர்ந்து தயாரித்துள்ள சோனி நிறுவனம் இந்த பட்ஜெட் அதிகமானதுக்கு தாங்கள் பொறுப்பாக முடியாது என கைவிரித்துவிட்டதால் கமல்ஹாசன் அப்செட் ஆகி உள்ளாராம். இந்த விஷயத்தில் சிவகார்த்திகேயனின் சம்பளத்திலும் கைவைக்கப்பட வாய்ப்பு உள்ளதாக வலைப்பேச்சு அந்தணன் கூறி இருக்கிறார்.
இதையும் படியுங்கள்... ஒரு ஊரே தங்கலாம் போல... 150 அறைகளுடன் ரூ.800 கோடியில் அரண்மனை போன்ற வீட்டை வாங்கியிருக்கும் பிரபல நடிகர்..!