விஜய் பட இயக்குனர்கள் உடன் அடுத்தடுத்து கூட்டணி... கோலிவுட்டின் அடுத்த தளபதி ஆகப்போகிறாரா சிவகார்த்திகேயன்?
நடிகர் சிவகார்த்திகேயன் அடுத்தடுத்து விஜய் பட இயக்குனர்கள் உடன் கூட்டணி அமைக்க உள்ளதால் அவர் அடுத்த தளபதி ஆகப்போகிறாரா என நெட்டிசன்கள் கேள்வி எழுப்பி வருகின்றனர்.
sivakarthikeyan
சின்னத்திரையில் இருந்து சினிமாவுக்கு வந்து தன்னுடைய கடின உழைப்பால் இன்று உச்ச நட்சத்திரமாக உயர்ந்திருப்பவர் சிவகார்த்திகேயன். அவர் நடிப்பில் அண்மையில் வெளியான அயலான் திரைப்படம் அமோக வரவேற்பை பெற்றது. இதையடுத்து கைவசம் ஏராளமான படங்களுடன் செம்ம பிசியான நடிகராக வலம் வருகிறார் எஸ்.கே. அவரின் அடுத்த படத்தை ராஜ்குமார் பெரியசாமி இயக்கி வருகிறார். இப்படத்தில் சிவகார்த்திகேயனுக்கு ஜோடியாக சாய் பல்லவி நடிக்கிறார். கமல்ஹாசன் தான் இப்படத்தை தயாரிக்கிறார்.
sivakarthikeyan, AR Murugadoss
ராஜ்குமார் பெரியசாமியின் படம் முடிவடைய உள்ள நிலையில், அதற்கு அடுத்தபடியாக சிவகார்த்திகேயன் நடிக்க உள்ள படங்கள் தான் ஹைலட்டாக பேசப்படுகிறது. அதன்படி சிவகார்த்திகேயன் அடுத்தடுத்து விஜய் பட இயக்குனர்கள் உடன் கூட்டணி அமைக்க உள்ளார். அதில் ஒரு படத்தை ஏ.ஆர்.முருகதாஸ் இயக்க உள்ளார். இவர் விஜய்யை வைத்து துப்பாக்கி, கத்தி, சர்கார் போன்ற மாஸ் ஹிட் படங்களை கொடுத்தவர் ஆவார்.
இதையும் படியுங்கள்... அயலான் பிளாப்பா எவன் சொன்னான்... சக்சஸ் மீட் கொண்டாடி வதந்திகளுக்கு முற்றுப்புள்ளி வைத்த சிவகார்த்திகேயன்
sivakarthikeyan, venkat prabhu
இதுதவிர மற்றொரு படத்தில் வெங்கட் பிரபு உடன் கூட்டணி அமைக்க உள்ளார் எஸ்.கே. இது சிவகார்த்திகேயனின் 25-வது படமாக இருக்கவும் வாய்ப்புள்ளதாக கூறப்படுகிறது. இயக்குனர் வெங்கட் பிரபு தற்போது விஜய் நடிக்கும் கோட் படத்தை இயக்கி வருகிறார். இப்படத்திற்கு பின்னர் தன்னுடைய 69-வது படத்தில் நடித்து முடித்ததும் சினிமாவை விட்டு விலகி முழு நேர அரசியலில் ஈடுபட உள்ளதாக நடிகர் விஜய் அறிவித்து உள்ளார்.
sivakarthikeyan movie line up
விஜய்யின் இந்த அறிவிப்பு ஒருபுறம் இருக்க, தமிழ் சினிமாவின் அடுத்த தளபதி யார் என்கிற பேச்சும் எழத் தொடங்கி உள்ளது. இந்த சூழலில் அடுத்தடுத்து விஜய் பட இயக்குனர்கள் உடன் நடிகர் சிவகார்த்திகேயன் கூட்டணி அமைத்துள்ளதால், தமிழ் சினிமாவில் விஜய் இடத்தை எஸ்.கே. பிடிக்கப் போகிறாரா என்கிற கேள்வியும் எழுந்த வண்ணம் உள்ளது. வெங்கட் பிரபு, ஏ.ஆர்.முருகதாஸ் படங்கள் மட்டுமின்றி டான் பட இயக்குனர் சிபி இயக்கத்திலும் சிவகார்த்திகேயன் ஒரு படத்தில் நடிக்க உள்ளது குறிப்பிடத்தக்கது.
இதையும் படியுங்கள்... பெரிய சம்பவம் லோடிங்.. SKயின் ஜிகிரி தோஸ்த்துடன் கைகோர்க்கும் விஷ்ணு விஷால் - என்ன மாதிரி படமா இருக்கும்?
சேனலை கிளிக் செய்து பின்தொடரவும்
