Ethirneechal: எதிர்நீச்சலில் என்ட்ரி கொடுக்கும் 'கில்லி' பட நடிகை! TRP-யில் விட்ட இடத்தை பிடிக்க மாஸ் பிளான்!
சன் டிவி தொலைக்காட்சியில் ஒளிபரப்பாகி வரும் 'எதிர்நீச்சல்' தொடரில், கில்லி படத்தில் நடித்த நடிகை என்ட்ரி கொடுக்க உள்ளதாக தகவல் வெளியாகியுள்ளது.
ethirneechal
சன் டிவி தொலைக்காட்சியில் கடந்த 2022-ஆம் ஆண்டில் இருந்து ஒளிபரப்பாகி வரும் சீரியல் எதிர்நீச்சல். கோலங்கள் சீரியல் இயக்குனர் திருச்செல்வம் இயக்கி வரும் இந்த சீரியல், ஆணாதிக்கம் நிறைந்த, சுயநல வாதியாக இருக்கும் குணசேகரன் என்கிற மனிதரை பற்றியும், அவருக்கு எதிராக பெண் உரிமைக்காக போராடும் ஜனனி என்கிற இரு கதாபாத்திரங்களை முதன்மையாக கொண்டு எடுக்கப்பட்டு வருகிறது.
இந்த சீரியலில் முக்கிய கதாபாத்திரத்தில், கனிகா, ஹரி ப்ரியா இசை, பிரியதர்ஷினி உள்ளிட்ட பலர் நடித்து வருகிறார்கள். இந்த சீரியல் துவங்கிய ஒரு சில வாரங்களிலேயே டாப் 5 TRP லிஸ்டில் இடம்பிடித்த நிலையில், தொடர்ந்து... தொடர்ந்து டாப் 2 இடங்களை தக்க வைத்து கொண்டது.
இந்த சீரியலில் குணசேகரன் கதாபாத்திரத்தில் நடித்து வந்த, நடிகர் மாரி முத்து கடந்த சில மாதங்களுக்கு முன்பு, மாரடைப்பு காரணமாக இறந்த நிலையில்... சீரியல் TRP தொடர்ந்து சரிய துவங்கியது.
தற்போது குணசேகரன் கதாபாத்திரத்தில் பிரபல எழுத்தாளரும், நடிகருமான வேல ராமமூர்த்தி நடித்து வருகிறார். தன்னுடைய ஸ்டைலில் அவர் குணசேகரன் கதாபாத்திரத்தை உள்வாங்கி நடித்தாலும்... மாரி முத்துவின் அல்டிமேட் பர்ஃபாம்மென்ஸை மிஸ் பண்ணுவதாக கூறி வருகிறார்கள் ரசிகர்கள்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
மேலும் TRP-யிலும் தற்போது 5ஆவது இடத்திற்கு தள்ளப்பட்டுள்ளது எதிர்நீச்சல் தொடர். எப்படியும் விட்ட இடத்தை பிடிக்க வேண்டும் என்பதற்காக கதைக்களத்தில் கூடுதல் கவனம் செலுத்தி வரும் திருச்செல்வம் தற்போது, ஜனனியின் சகோதரி வாசுவையும் களத்தில் இறக்கி பரபரக்க வைத்துள்ளார். அதே போல், மற்றொரு நடிகையும் இந்த சீரியலில் என்ட்ரி கொடுக்க உள்ளதாக கூறப்படுகிறது.
இதுகுறித்து தற்போது வெளியாகியுள்ள தகவலில், கில்லி படத்தில் பிரகாஷ் ராஜின் அம்மாவாக நடித்த... பின்னணி பாடகியும், நடிகையுமான KT கலா முக்கிய வேடத்தில் நடிக்க உள்ளதாக கூறப்படுகிறது. இவர் தமிழில் கடைசியாக விக்ரம் நடிப்பில் வெளியான 'ஐ' படத்தில் விக்ரமுக்கு அம்மாவாக நடித்திருந்தார் என்பது குறிபிடித்தக்கது.
சேனலை கிளிக் செய்து பின்தொடரவும்
