ஜவான் வசூலில் பாதிகூட கிடைக்கல.... பரிதாப நிலையில் ஷாருக்கானின் டங்கி - முதல் நாள் வசூல் இவ்வளவுதானா?
ராஜ்குமார் ஹிரானி இயக்கத்தில் ஷாருக்கான் நடிப்பில் நேற்று திரையரங்குகளில் ரிலீஸ் ஆன டங்கி திரைப்படத்தின் முதல் நாள் வசூல் நிலவரத்தை பார்க்கலாம்.
Dunki
பாலிவுட் பாட்ஷா என்று அழைக்கப்படுபவர் ஷாருக்கான். இவர் நடிப்பில் கடந்த 2018-ம் ஆண்டு வெளிவந்த ஜீரோ திரைப்படம் படுதோல்வியை சந்தித்தது. இதனால் மனமுடைந்து போன ஷாருக்கான். அடுத்த சில ஆண்டுகள் படங்களில் நடிக்காமல் சினிமாவில் இருந்து ஒதுங்கியே இருந்தார். இதையடுத்து 5 ஆண்டுகளுக்கு பின்னர் தான் அவர் ஹீரோவாக நடித்த பதான் திரைப்படம் திரைக்கு வந்தது. இப்படம் கடந்த ஜனவரி மாதம் ரிலீஸ் ஆனது.
Shah Rukh Khan's Dunki
பதான் திரைப்படம் ஷாருக்கானுக்கு தரமான கம்பேக் படமாக அமைந்தது. அப்படம் பாக்ஸ் ஆபிஸில் ரூ.1000 கோடிக்கு மேல் வசூலை வாரிக்குவித்தது. பதான் படத்தின் வெற்றியைத் தொடர்ந்து கடந்த செப்டம்பர் மாதம் அட்லீ இயக்கத்தில் அவர் நடித்த ஜவான் திரைப்படம் ரிலீஸ் ஆனது. இதில் நயன்தாரா, விஜய் சேதுபதி, யோகிபாபு என மிகப்பெரிய நட்சத்திர பட்டாளமே நடித்திருந்தது. இப்படம் பாக்ஸ் ஆபிஸில் சக்கைப்போடு போட்டு ரூ.1100 கோடிக்கு மேல் வசூலை அள்ளியது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
Dunki collection
இப்படி இந்த ஆண்டு அவருக்கு அடுத்தடுத்து இரண்டு பிளாக்பஸ்டர் வெற்றி கிட்டிய நிலையில், அதை ஹாட்ரிக் வெற்றியாக மாற்றும் முனைப்பில் அவர் நடித்த டங்கி திரைப்படம் நேற்று உலகமெங்கும் ரிலீஸ் ஆனது. இப்படத்தை பாலிவுட்டில் தரமான இயக்குனர் என பெயரெடுத்த ராஜ்குமார் ஹிரானி தான் இயக்கி இருந்தார். இப்படத்தில் ஷாருக்கான் உடன் விக்கி கவுஷல், டாப்சி ஆகியோரும் நடித்திருந்தனர். இது பான் இந்தியா படமாக ரிலீஸ் ஆகாமல் இந்தியில் மட்டுமே வெளியானது.
Dunki Day 1 Box Office
பெரும் எதிர்பார்ப்புக்கு மத்தியில் வெளியான டங்கி படத்திற்கு கலவையான விமர்சனங்களே கிடைத்த நிலையில், இப்படத்தின் முதல் நாள் பாக்ஸ் ஆபிஸ் வசூல் நிலவரம் வெளியாகி உள்ளது. அதன்படி இப்படம் முதல் நாளில் இந்தியாவில் வெறும் ரூ.30 கோடி மட்டுமே வசூலித்து உள்ளது. இது இதற்கு முன் இவர் நடிப்பில் வெளிவந்த ஜவான் படத்தின் முதல் நாள் வசூலில் பாதி கூட இல்லை. ஜவான் திரைப்படம் இந்தியாவில் மட்டும் முதல் நாளில் ரூ.74 கோடிக்கு மேல் வசூலித்து இருந்தது குறிப்பிடத்தக்கது.
இதையும் படியுங்கள்... Salaar Review : அடுத்த பாகுபலியா? இல்ல அடுத்த ஆதிபுருஷ்-ஆ? எப்படி இருக்கு பிரபாஸின் சலார்? முழு விமர்சனம் இதோ
சேனலை கிளிக் செய்து பின்தொடரவும்
