குழந்தை பராமரிப்பாளருக்கு லட்சக்கணக்கில் சம்பளத்தை வாரி வழங்கும் ராம் சரண் - உபாசனா ஜோடி! அதுக்குன்னு இவ்வளவா?

தெலுங்கு திரையுலகில் மாஸ் நடிகராக வலம் வருபவர் ராம்சரண். இவர் ராஜமவுலி இயக்கத்தில் நடித்த ஆர்.ஆர்.ஆர் படம் உலகளவில் பிரம்மாண்ட வெற்றியை ருசித்தது. ஆர்.ஆர்.ஆர் படத்தின் வெற்றிக்கு பின்னர் பான் இந்தியா நடிகராக உருவெடுத்த ராம்சரண், அடுத்ததாக பிரம்மாண்ட இயக்குனர் ஷங்கர் இயக்க்த்தில் கேம் சேஞ்சர் என்கிற திரைப்படத்தில் நடித்து வருகிறார். இப்படத்தை வாரிசு பட தயாரிப்பாளர் தில் ராஜு தயாரிக்கிறார்.

அரசியல் கதையம்சம் கொண்ட படமாக கேம் சேஞ்சர் உருவாகிறது. இப்படத்தில் ராம்சரணுக்கு ஜோடியாக பாலிவுட் நடிகை கியாரா அத்வானி நடிக்கிறார். அடுத்ததாக உப்பென்னா படத்தை இயக்கிய புச்சி பாபு சனா இயக்கத்தில் ஒரு படத்தில் நடிக்க கமிட் ஆகியுள்ளார் ராம்சரண். அப்படத்திற்கு ஏ.ஆர்.ரகுமான் இசையமைக்க உள்ளார். இப்படத்தின் படப்பிடிப்பும் விரைவில் தொடங்க உள்ளது. பிரம்மாண்ட பட்ஜெட்டில் இப்படம் தயாராகிறது.

இதையும் படியுங்கள்... விஜய், அஜித்தெல்லாம் லிஸ்ட்லயே இல்ல பாஸ்! டாப் 10 பணக்கார இந்திய நடிகர்களும்.. அவர்களின் சொத்து மதிப்பும்..!

நடிகர் ராம்சரணுக்கு கடந்த 2012-ம் ஆண்டு திருமணம் ஆனது. இவர் உபாசனா என்பவரை திருமணம் செய்துகொண்டார். திருமணமாகி 11 ஆண்டுகள் குழந்தை பெற்றுக்கொள்ளாமல் இருந்த இந்த ஜோடிக்கு கடந்த ஆண்டு பெண் குழந்தை பிறந்தது. இந்த குழந்தை கிளிங்காரா என பெயரிட்டு உள்ளனர். குழந்தை பிறந்து பல மாதங்கள் ஆகியும் இதுவரை குழந்தையின் முகத்தை வெளியுலகத்துக்கு காட்டாமல் வைத்துள்ளது இந்த ஜோடி.

தற்போது ராம்சரண் ஷூட்டிங்கிலும், உபாசனா பிசினஸிலும் பிசியாக இருப்பதால் தங்கள் குழந்தையை பராமரித்துக்கொள்ள ஒருவரை நியமித்துள்ளனர். சாவித்ரி என்ற அந்த பெண், இதற்கு முன்னர் கரீனா கபூர் உள்ளிட்ட சில சினிமா நட்சத்திரங்களிடம் குழந்தை பராமரிப்பாளராக பணியாற்றியவர் ஆவார். குழந்தை பராமரிப்பில் அனுபவமுள்ள சாவித்ரிக்கு தங்கள் குழந்தை கிளிங்காராவை பராமரிக்க மாதத்துக்கு ரூ.5 லட்சம் சம்பளமாக வழங்கி வருகிறார்களாம் ராம்சரண் - உபாசனா ஜோடி. இந்த தகவல் தற்போது சோசியல் மீடியாவில் வைரலாக பரவி வருகிறது.

இதையும் படியுங்கள்... மீண்டும் வில்லனாகும் மக்கள் செல்வன்.. ஆனா இந்த முறை ராம் சரணுக்கு - இசை புயலோடு வரும் RC16!