Rakul Preet Singh wedding: கோவாவில் காதலனை கரம் பிடித்த நடிகை ரகுல் ப்ரீத் சிங்! வெளியான திருமண புகைப்படங்கள்!
ரகுல் ப்ரீத் சிங் மற்றும் ஜாக்கி பாக்னானியின் திருமணம் கோவாவில் நடந்து முடிந்துள்ள நிலையில், தற்போது இவர்களின் வெட்டிங் போட்டோஸ் வைரலாக பார்க்கப்பட்டு வருகிறது.
பிரபல நடிகை ரகுல் ப்ரீத் சிங் மற்றும் ஜாக்கி பாக்னானியின் பசுமை திருமணம் கோவாவில் இன்று நடந்து முடிந்துள்ளது. திருமணம் நடந்து முடிந்த சில மணி நேரங்களில்... இவர்களின் வெட்டிங் போட்டோஸ் வெளியாகி உள்ளது.
தமிழ் சினிமாவில் முன்னணி நடிகையாக இருக்கும், ரகுல் ப்ரீத் சிங் கடந்த மூன்று வருடங்களாக... பிரபல தயாரிப்பாளரும், பாலிவுட் நடிகருமான ஜாக்கி பக்னானியை காதலித்து வந்த நிலையில், இவர்களின் திருமணம் இந்த ஆண்டு நடைபெறுவதை இரு வீட்டு குடும்பத்தினரும் உறுதி செய்தனர்.
அதன்படி இன்று கோவாவில் இவர்களின் திருமணம் நடைபெறும் என தெரிவிக்கப்பட்டது. அதன்படி இன்று மாலை 3:30 மணியளவில் ஐடிசி கிராண்டில், பசுமை திருமணமாக அறிவித்து சிறந்த எடுத்து காட்டாக இந்த திருமணம் நடந்துள்ளது.
குறிப்பாக ரகுல் - ஜாக்கி திருமணத்தில், கார்பன் டை ஆக்ஸைடை வெளியேற்றும் பட்டாசுகள் தவிர்க்க பட்டது. அதே போல் உணவு விஷயங்களிலும் கூடுதல் கவனம் செலுத்திய இந்த ஜோடி, சர்க்கரை மற்றும் எந்த வித செயற்கையான கலர்ஸ் போன்றவற்றை உணவில் இருந்து தவிர்த்து முழுக்க முழுக்க ஆரோக்கியமான உணவுகளை கொடுத்தனர்.
அதே போல் தங்களை வாழ்ந்த வந்த விருந்தினர்களுக்கும் சிறப்பு பரிசுகளாக... செடிகள் மற்றும் விதைகள் கொடுக்கப்பட்டதாக கூறப்படுகிறது. இந்த விஷயத்தில், ரகுல் மற்றும் ஜாக்கி இருவருமே மிகவும் உறுதியாக இருந்துள்ளனர்.
இவர்களின் திருமணம் ஆனந்த் கராஜ் மற்றும் சிந்தி பாணி திருமணம் என இரண்டையும் உள்ளடக்கியதாக நடந்துள்ள நிலையில்... மணமகள் ரகுல் ப்ரீத் சிங் பேபி பிங்க் ஷேடுடன் கூடிய லெஹங்காவில் தேவதை போல் ஜொலித்தார். கழுத்தில் மிகவும் பெரிய வைரத்தால் ஆன சோக்கர் ஒன்றையும் அணிந்துள்ளார். ஜாக்கி... கோல்டன் கிரீம் கலர் உடையில் ராஜகுமாரன் போல் உள்ளார். இந்த போட்டோஸ் தற்போது வைரலாக பார்க்கப்பட்டு வருகிறது.
சேனலை கிளிக் செய்து பின்தொடரவும்
