என் அன்பு தாய் ஐஸ்வர்யாவுக்கு சலாம்... வீல் சேரில் அமர்ந்திருக்கும் அன்சீன் புகைப்படத்துடன் ரஜினி வாழ்த்து

ரஜினிகாந்தின் மூத்த மகளான ஐஸ்வர்யா நீண்ட இடைவெளிக்கு பின்னர் இயக்குனராக ரீ-எண்ட்ரி கொடுத்துள்ள திரைப்படம் தான் லால் சலாம். இப்படத்தை லைகா நிறுவனம் தயாரித்து உள்ளது. இப்படத்தில் விஷ்ணு விஷால் மற்றும் விக்ராந்த் ஆகியோர் கதையின் நயாகர்களாக நடித்துள்ளனர். மேலும் நிரவ்ஷா, ஜீவிதா ராஜ்குமார், செந்தில், தன்யா பாலகிருஷ்ணன், தங்கதுரை ஆகியோர் முக்கிய கதாபாத்திரத்தில் நடிக்க அவர்களுடன் சூப்பர்ஸ்டார் ரஜினிகாந்தும் சிறப்பு தோற்றத்தில் நடித்துள்ளார்.

லால் சலாம் படத்திற்கு இசைப்புயல் ஏ.ஆர்.ரகுமான் இசையமைத்து உள்ளார். இப்படம் உண்மை சம்பவத்தை மையமாக வைத்து உருவாகி உள்ளது. சுமார் ரூ.40 கோடி பட்ஜெட்டில் பிரம்மாண்டமாக தயாராகி உள்ள லால் சலாம் திரைப்படம் இன்று உலகமெங்கும் ரிலீஸ் ஆகி உள்ளது. தமிழ்நாட்டில் இப்படத்தை ரெட் ஜெயண்ட் மூவீஸ் ரிலீஸ் செய்துள்ளது. இதனால் அதிகப்படியான திரையரங்குகளில் லால் சலாம் ரிலீஸ் ஆகி இருக்கிறது.

இதையும் படியுங்கள்... ராக்கி பாய்-ஐ போல் மாஸ் காட்டினாரா மொய்தீன் பாய்? லால் சலாம் படத்தின் விமர்சனம் இதோ

லால் சலாம் படத்தில் ரஜினிகாந்த் கேமியோ ரோலில் நடித்திருந்தாலும் இதை நேரடி ரஜினி படமாகவே ரசிகர்கள் கொண்டாடி வருகின்றனர். இதனால் திரையரங்குகளில் ரஜினிக்கு பிரம்மாண்ட பேனர்கள் வைத்து முதல் காட்சிக்கு மேள தாளங்கள் முழங்க நடனமாடியும், பட்டாசு வெடித்தும் ரசிகர்கள் ஆரவாரமாக கொண்டாடி மகிழ்ந்துள்ளனர். இதனால் திரையரங்குகள் திருவிழாக்கோலம் பூண்டுள்ளது.

இது ஒருபுறம் இருக்கும் நடிகர் ரஜினிகாந்த் லால் சலாம் ரிலீஸ் ஆனதையொட்டி தன்னுடைய எக்ஸ் தள பக்கத்தில் பதிவு ஒன்றை போட்டுள்ளார். அதில் “என் அன்பு தாய் ஐஸ்வர்யாவுக்கு என் அன்பு சலாம்.உங்களுடைய லால் சலாம் திரைப்படம் மிகப்பெரிய வெற்றி அடைய எல்லாம் வல்ல இறைவனை வேண்டுகிறேன்” என குறிப்பிட்டுள்ளதோடு, தன்னை வீல் சேரில் அமர வைத்து ஐஸ்வர்யா அழைத்து சென்றபோது எடுத்த அன்சீன் புகைப்படத்தையும் பதிவிட்டுள்ளார்.

இதையும் படியுங்கள்... இந்த முறை இளைய மகளுக்காக.. மீண்டும் கேமியோ கதாபாத்திரத்தில் சூப்பர் ஸ்டார் ரஜினிகாந்த்? - தீயாய் பரவும் தகவல்!