Soundarya: டாப் நடிகருக்கு ஜோடியாக நடிக்க ஆசைப்பட்ட ரஜினிகாந்த் மகள் சௌந்தர்யா! யாரு தெரியுமா.. அந்த பிரபலம்!

சூப்பர் ஸ்டார் ரஜினிகாந்தின் இளைய மகள், சௌந்தர்யா ரஜினிகாந்த்... எந்த ஹீரோவுடன் நடக்க ஆசை என்பதை வெளிப்படையாக பழைய பேட்டி ஒன்றில் பகிர்ந்து கொண்டுள்ளார்.  

Soundarya Rajinikanth

சூப்பர் ஸ்டார் ரஜினிகாந்தின், இரண்டு மகள்களுமே... தந்தையை தொடர்ந்து சினிமாவில் பெண் இயக்குனராக களமிறங்கி கலக்கி வருகிறார்கள். சமீபத்தில் கூட ரஜினிகாந்தின் மூத்த மகளான ஐஸ்வர்யா ரஜினிகாந்த், தன்னுடைய தந்தையை கேமியோ ரோலில் நடிக்க வைத்து, இயக்கிய 'லால் சலாம்' திரைப்படம் வெளியாகி கலவையான விமர்சனங்களை பெற்றது. இந்த படத்தை தொடர்ந்து, தன்னுடைய அடுத்த படத்திற்கு தயாராகி வருகிறார் ஐஸ்வர்யா.

அதே போல் ரஜினிகாந்தின் இளைய மகளான சௌந்தர்யா ரஜினிகாந்தும், இயக்குனரும் - நடிகருமான ராகவா லாரன்ஸை கதாநாயகனாக வைத்து ஒரு படத்தை இயக்க திட்டமிட்டிருப்பதாக சமீபத்தில் தகவல் வெளியானது. இதை தவிர அசோக் செல்வனை ஹீரோவாக வைத்து 'கேங்ஸ்' என்கிற வெப் சீரிஸ் ஒன்றையும் தயாரிக்க உள்ளதாக, கடந்த ஆண்டு அறிவித்தார். இதன் பணிகள் கிட்ட தட்ட முடிவடையும் தருவாயில் உள்ள நிலையில், விரைவில் ரிலீஸ் குறித்த அப்டேட் வெளியாகும் என எதிர்பார்க்கப்படுகிறது.

திரையுலக பணிகள், கணவர், குடும்பம், குழந்தைகள் என தன்னை பிசியாக வைத்திருக்கும் சௌந்தர்யா ரஜினிகாந்த்.. பழைய பேட்டி ஒன்றில் கூறியுள்ள தகவல்  சமூக வலைத்தளத்தில் வைரலாகி வருகிறது.

அதாவது சௌந்தர்யா ரஜினிகாந்த் கொடுத்த பழைய பேட்டி ஒன்றில், தொகுப்பாளர்... நீங்கள் ஒரு வேலை நடிக்க ஆசைப்பட்டால் எந்த ஹீரோவுடன் நடிக்க ஆசைப்படுவார்கள்? என கேள்வி எழுப்பினார். இதற்க்கு பதிலளித்த, சௌந்தர்யா தல அஜித்துடன் நடிக்க வேண்டும் என்பது தான் என் ஆசை என கூறினார். இந்த தகவல் பலரையும் ஆச்சர்யப்படுத்தியுள்ளது.