பட்லர் இல்லை, டாம் கோஹ்லர் காட்மோரை களமிறக்கிய ராஜஸ்தான் – டாஸ் வென்று பேட்டிங்!

ஐபிஎல் 2024 கிரிக்கெட் தொடரின் 65ஆவது லீக் போட்டியில் பஞ்சாப் கிங்ஸ் அணிக்கு எதிராக டாஸ் வென்ற ராஜஸ்தான் ராயல்ஸ் அணியின் கேப்டன் சஞ்சு சாம்சன் பேட்டிங் தேர்வு செய்தார். ஜோஸ் பட்லர் நாட்டிற்கு திரும்ப சென்ற நிலையில், அவருக்கு பதிலாக டாம் கோஹ்லர்-காட்மோர் அணியில் இடம் பெற்றுள்ளார்.

இதே போன்று ரபாடா இடம் பெறவில்லை. அவருக்கு பதிலாக நாதன் எல்லீஸ் அணியில் இடம் பெற்றுள்ளார். ஹர்ப்ரீத் பிரார் அணிக்கு திரும்ப வந்துள்ளார். இந்த சீசனில் கடைசியாக விளையாடிய 3 போட்டியிலும் ராஜஸ்தான் 1 ரன், 20 ரன் மற்றும் 5 விக்கெட்டுகள் வித்தியாசத்தில் தோல்வியை தழுவியுள்ளது.

ராஜஸ்தான் ராயல்ஸ்:

யஷஸ்வி ஜெய்ஸ்வால், டாம் கோஹ்லர் காட்மோர், ரியான் பராக், சஞ்சு சாம்சன் (கேப்டன், விக்கெட் கீப்பர்), துருவ் ஜூரெல், ரோவ்மன் பவல், ரவிச்சந்திரன் அஸ்வின், டிரெண்ட் போல்ட், சந்தீப் சர்மா, ஆவேஷ் கான், யுஸ்வேந்திர சாஹல்.

பஞ்சாப் கிங்ஸ்:

பிராப்சிம்ரன் சிங், ஜானி பேர்ஸ்டோவ், ரிலே ரோஸோவ், ஷஷாங்க் சிங், ஜித்தேஷ் சர்மா (விக்கெட் கீப்பர்), சாம் கரண் (கேப்டன்), ஹர்ப்ரீத் பிரார், ஹர்ஷல் படேல், நாதன் எல்லீஸ், ராகுல் சாஹர், அர்ஷ்தீப் சிங்.

இதற்கு முன்னதாக இரு அணிகளும் மோதிய 27 போட்டிகளில் ராஜஸ்தான் ராயல்ஸ் 16 போட்டிகளில் வெற்றி பெற்றுள்ளது. மேலும், பஞ்சாப் கிங்ஸ் 11 போட்டிகளில் வெற்றி பெற்றுள்ளது. இந்த பர்சபரா கிரிக்கெட் ஸ்டேடியத்தில் நடைபெற்ற 2 போட்டிகளில் ராஜஸ்தான் ராயல்ஸ் ஒரு வெற்றி, ஒரு தோல்வி அடைந்துள்ளது.

இந்த மைதானத்தில் இரு அணிகளும் மோதிய ஒரு போட்டியில் பஞ்சாப் கிங்ஸ் அணியே வெற்றி பெற்றிருக்கிறது. இந்த சீசனில் ராஜஸ்தான் ராயல்ஸ் விளையாடிய 12 போட்டிகளில் 8 வெற்றி 4 தோல்வியுடன் 16 புள்ளிகளுடன் பிளே ஆஃப் சுற்றுக்கு முன்னேறியுள்ளது.

இதே போன்று பஞ்சாப் கிங்ஸ் இந்த சீசனில் விளையாடிய 12 போட்டிகளில் 4 வெற்றி 8 தோல்விகளுடன் புள்ளிப்பட்டியலில் 8 புள்ளிகளுடன் கடைசி இடத்தில் உள்ளது. அதோடு பிளே ஆஃப் வாய்ப்பை இழந்து 2ஆவது அணியாக வெளியேறியது என்பது குறிப்பிடத்தக்கது.