Priya bhavani shankar: இந்த மாதிரி நபருடன் டேட்டிங் செய்தால் இது தான் பிரச்சனை?ஓபனாக சொன்ன பிரியா பவானி ஷங்கர்

செய்தி வாசிப்பாளராக தனது பணியை ஆரம்பித்து, சின்னத்திரை தொடரின் மூலம் பலரது கவனத்தை ஈர்த்தவர் பிரியா பவானி ஷங்கர். இதையடுத்து, பட வாய்ப்பு கிடைத்து தற்போது தமிழ் சினிமாவின் முன்னணி கதாநாயகிகளும் ஒருவராகஅந்தஸ்து பெற்றுள்ளார். 

விஜய் தொலைக்காட்சியில் ஒளிபரப்பான கல்யாணம் முதல் காதல் வரை தொடரில் நடித்து ரசிகர்களின் மனதை கொள்ளை கொண்டவர். பின்னர் 2017ம் ஆண்டு ரத்னகுமார் இயக்கத்தில் வெளியான 'மேயாத மான்' படத்தின் மூலம் கதாநாயகியாக அறிமுகமானார். 

அடுத்தடுத்து கடைக்குட்டி சிங்கம், மான்ஸ்டர் போன்ற படங்களில் காமிட்டனார். தற்போது கோலிவுட்டில் வேகமாக வளர்ந்து வரும் நடிகைகளில் ஒருவராக இருந்து வருகிறார் பிரியா பவானி ஷங்கர்.
 

தமிழில் இவர் கைவசம் தற்போது ருத்ரன், திருச்சிற்றம்பலம், பொம்மை, ஷங்கர் இயக்கும் இந்தியன் 2, சிம்புவுடன் பத்து தல, அருண் விஜய்யுடன் யானை உள்பட ஏராளமான படங்களில் நடித்து வருகிறார். 

இதுதவிர தெலுங்கில் இவருக்கு பட வாய்ப்பு கிடைக்க, விக்ரம் குமார் இயக்கும் வெப் தொடர் ஒன்றில் நாக சைதன்யாவுக்கு ஜோடியாக நடிக்கிறார்.

தொடர்ந்து படங்களில் பிஸியாக இருந்தாலும் பிரியா பவானி இன்ஸ்டாகிராமில் ரசிகர்களுடன் உரையாட மறப்பதில்லை. அவ்வப்போது ரசிகர்களின் கேள்விகளுக்கு இன்ஸ்டாவில் பதில் சொல்லி வருகிறார்.

சமீபத்தில் கூட உள்ளாடை சைஸ் என்ன என நெட்டிசன் ஒருவரின்  ஏடாகூட கேள்விக்கு தரமான பதிலடி கொடுத்திருந்ததும் இணையத்தில் வைரல் ஆனது. இந்நிலையில் தற்போது டேட்டிங் செல்வது பற்றி பிரியா பவானி ஷங்கர் பதிவிட்டுள்ள இன்ஸ்டாகிராம் ஸ்டோரி ஒன்று வைரலாகியுள்ளது. 

அதில் அவர், மெச்சூர்ட் ஆன நபருடன் டேட்டிங் செய்வது மன அழுத்தத்தை தரும்.  ஏதேனும் தவறு நடக்கும் பட்சத்தில் அந்த நபர் உடனடியாக மன்னிப்பு கேட்டுவிடுவார், அப்போது என்னுடைய கோவத்தை நான் எப்படி வெளிப்படுத்துவது என்று கூறியுள்ளார்.நடிகை பிரியா பவானி சங்கரின் இந்த பதிவு சமூக வலைதளங்களில் வைரலாக பரவி வருகிறது. 

மேலும் படிக்க...KRK Making Video: 'டூ டூ டூ' பாடலுக்கு ஆட்டம் போட்ட விக்னேஷ் சிவன்...வெளியான சூப்பர் மேக்கிங் வீடியோ...