கூட்டம் அலைமோதுகிறது; கனவிலும் ஸ்டார் ஒளிர்கிறது- ரசிகர்கள் அன்பால் திக்குமுக்காடிப்போன STAR பட இயக்குனர் இளன்
கவின் நடித்துள்ள ஸ்டார் படத்திற்கு கிடைத்து வரும் அமோக வரவேற்பால் நெகிழ்ந்து போன இயக்குனர் இளன் அறிக்கை ஒன்றை வெளியிட்டு இருக்கிறார்.
star movie Kavin
பியார் பிரேமா காதல் படத்தின் இயக்குனர் இளன் இயக்கத்தில் கவின் ஹீரோவாக நடித்துள்ள திரைப்படம் ஸ்டார். இப்படத்தில் கவினுக்கு ஜோடியாக அதிதி போஹங்கர் நடித்துள்ளார். மேலும் லால், கீதா கைலாசம், ப்ரீத்தி ஆகியோர் முக்கிய கதாபாத்திரத்தில் நடித்திருக்கும் இப்படத்திற்கு யுவன் சங்கர் ராஜா இசையமைத்து உள்ளார். டாடா படத்தின் வெற்றிக்கு பின்னர் கவின் நடித்த படம் இது என்பதால் இதற்கு ஏராளமான எதிர்பார்ப்பும் இருந்தது.
![article_image2](https://static-ai.asianetnews.com/images/01h8ykq3me6m24w7yy9z48zeqc/700eddac-b88b-4444-ba1b-17a7720b037b_300x225xt.jpg)
Elan, Yuvan, Kavin
இந்த நிலையில், ஸ்டார் திரைப்படம் கடந்த மே 10-ந் தேதி திரையரங்குகளில் ரிலீஸ் ஆனது. இளைஞர்கள் கொண்டாடும் படமாக இது அமைந்துள்ளதால் இப்படத்தின் வசூலும் நாளுக்கு நாள் அதிகரித்த வண்ணம் உள்ளது. இப்படம் ரிலீஸ் ஆன மூன்றே நாட்களில் ரூ.10 கோடிக்கு மேல் வசூலை வாரிக்குவித்துள்ளது. இந்நிலையில், ரசிகர்கள் ஸ்டார் படத்திற்கு அளித்து வரும் அன்பால் நெகிழ்ந்து போன இயக்குனர் இளன், அவர்களுக்கு நன்றி தெரிவித்து அறிக்கை ஒன்றை வெளியிட்டு உள்ளார்.
இதையும் படியுங்கள்... விஜய் டிவியில் உருவானதா புது காதல் ஜோடி..? சர்ப்ரைஸாக வெளிவந்த ஹல்தி புகைப்படங்களால் ஷாக் ஆன ரசிகர்கள்
Star Movie Director Elan
அந்த அறிக்கையில், “முதல் நாள் காட்சியில், முகம் அறியா சகோதரன் ஒருவன் ஓடி வந்து கேட்டான் : உங்கள கட்டி புடிச்சுக்கலாமா? அந்த இரு கணம் அன்பு மட்டுமே வெளிப்பட்டது. ஓர் கணவனும் மனைவியும், திரையரங்கை விட்டு விலகவே இல்லை. தேம்பி தேம்பி அழுதாள். நானும் அழுதேன். அந்த கண்ணீரும் அன்பே. திரையரங்கை சுத்தம் செய்யும் பணி பெண் கன்னத்தை பிடித்து சுத்திப்போட்டது என் தாயின் அன்பை வெளிப்படுத்தியது. பல இடங்களில் கைதட்டலும், கரகோஷமும் "லவ் யூ" என்று சொல்வதாகவே தோன்றியது.
Elan Statement
இறுதிக்காட்சியின் வரவேற்பு என்னுள் உள்ள எழுத்தாளனை இன்னும் தைரியசாலியாக மாற்றியுள்ளது. ரோலிங் கிரெடிட்ஸ் போட்டவுடன் எழுந்து செல்வதே வழக்கம். ஆனால், நான் கண்டதோ காதலியை விட்டு பிரிந்து செல்ல மனமில்லாத காதலர்களைதான். ஒரு சில (பல) விமர்சனங்கள், நான் ஒரு கலைஞனாய் மெருகேற உதவுகிறது. நம்பிக்கைக்கு நன்றி. கூட்டம் அலைமோதுகிறது. பகலிலும், மதியத்திலும், இரவிலும் சிலரின் கனவிலும் ஸ்டார் ஒளிர்கிறது” என குறிப்பிட்டு இருக்கிறார்.
இதையும் படியுங்கள்... Singer Velmurugan Arrest : குடிபோதையில் மெட்ரோ ரயில் அதிகாரிக்கு கன்னத்தில் அறைவிட்ட பாடகர் வேல்முருகன் கைது