Summer Special Train: ஊட்டி போற ஐடியா இருக்கா? நெல்லையில் சிறப்பு ரயில்.. எந்த கிழமையில் தெரியுமா?

கோடை விடுமுறையில் பயணிகளின் கூட்ட நெரிசலைத் தவிர்க்கும் விதமாக தெற்கு ரயில்வே பல்வேறு சிறப்பு ரயில்களை இயக்கி வருகிறது. அதேபோல், பண்டிகை நாட்கள், சிறப்பு விடுமுறை நாட்களில் கூட்ட நெரிசலை தடுக்கும் வகையில் சிறப்பு ரயில்கள் இயக்கப்பட்டு வருகின்றன. 

அந்த வகையில் நெல்லை டூ மேட்டுப்பாளையம் மற்றும் மேட்டுப்பாளையம் டூ நெல்லை இடையே வாராந்திரச் சிறப்பு ரயிலை இயக்கப்பட்டு வருகிறது. இந்த ரயில் சேவை மே மாதம் வரை செயல்படும் அறிவிக்கப்பட்டிருந்த நிலையில் மேலும் ஒரு மாதம் நீட்டிக்கப்பட்டுள்ளது. 

நெல்லை இருந்து ஞாயிற்றுக்கிழமைகளில் இரவு 7 மணிக்குப் புறப்படும் ( (06030) ரயிலானது அம்பாசமுத்திரம், தென்காசி, ராஜபாளையம், விருதுநகர், மதுரை, திண்டுக்கல், பழனி, கோவை வழியாக மறுநாள் திங்கட்கிழமை காலை 7.30 மணிக்கு மேட்டுப்பாளையம் சென்று சேரும். 

மறுமார்க்கம் திங்கட்கிழமைகளில் மேட்டுப்பாளையத்தில் இருந்து இரவு 7.45 மணிக்கு புறப்படும் ரயிலானது மறுநாள் காலை 7.45 மணிக்கு திருநெல்வேலி வந்து சேரும். இந்நிலையில் இந்த வாராந்திர சிறப்பு ரயில் ஜுன் மாதம் வரை நீட்டிக்கப்படுவதாக தெற்கு ரயில்வே அறிவிப்பை வெளியிட்டுள்ளது. நெல்லை டூ மேட்டுப்பாளையம் இடையேயான ரயில் ஜூன் 2, 9, 16, 23, 30 ஆகிய ஞாயிற்றுக்கிழமைகளில்,  ஜூன் 3, 10, 17, 24, 31 ஆகிய திங்கட்கிழமைகளில் மேட்டுப்பாளையம் டூ நெல்லை இயக்கப்படுகிறது.