குட் பேட் அக்லி படத்தில் இணையும் 3வது ஹீரோயின்... அஜித்துக்கு ஜோடியாக நடிக்க உள்ள அந்த நடிகை யார் தெரியுமா?

ஜிவி பிரகாஷ் நடித்த த்ரிஷா இல்லேனா நயன்தாரா படம் மூலம் கோலிவுட்டில் இயக்குனராக அறிமுகமானவர் ஆதிக் ரவிச்சந்திரன். அப்படத்தின் வெற்றியை தொடர்ந்து அவர் இயக்கிய சிம்புவின் அன்பானவன் அடங்காதவன் அசராதவன், பிரபுதேவா நடித்த பஹீரா ஆகிய திரைப்படங்கள் படுதோல்வியை சந்தித்தன. இதையடுத்து விஷால், எஸ்.ஜே.சூர்யாவை வைத்து மார்க் ஆண்டனி என்கிற மாஸ் ஹிட் படத்தை கொடுத்தார் ஆதிக் ரவிச்சந்திரன்.

மார்க் ஆண்டனி படத்தின் அதிரி புதிரியான வெற்றிக்கு பின்னர் ஆதிக்கிற்கு கிடைத்த ஜாக்பாட் வாய்ப்பு தான் அஜித்தின் குட் பேட் அக்லி திரைப்படம். இப்படத்தை தெலுங்கில் முன்னணி தயாரிப்பு நிறுவனமாக இருக்கும் மைத்ரி மூவி மேக்கர்ஸ் நிறுவனம் தயாரிக்கிறது. இப்படத்தின் படப்பிடிப்பு கடந்த சில வாரங்களுக்கு முன்னர் ஐதராபாத்தில் தொடங்கி நடைபெற்று வருகிறது. அண்மையில் இதன் பர்ஸ்ட் லுக் போஸ்டரும் வெளியாகி வைரலானது.

இதையும் படியுங்கள்... மிகப்பெரிய பட்ஜெட் படம்.. ரஜினிகாந்த், நாகார்ஜுனா இருந்தும் அட்டர் பிளாப் ஆன படம் - எது தெரியுமா?

குட் பேட் அக்லி திரைப்படத்தில் இணையும் நடிகைகள் பற்றிய அப்டேட்டும் அவ்வப்போது கசிந்த வண்ணம் உள்ளது. அந்த வகையில் தெலுங்கில் டிரெண்டிங் நாயகியாக வலம் வரும் ஸ்ரீலீலா இப்படத்தில் நடிக்க கமிட்டாகி உள்ளதாக கூறப்பட்டது. அதேபோல் சூரரைப்போற்று படத்துக்காக தேசிய விருது வாங்கிய நடிகை அபர்ணா பாலமுரளியும் குட் பேட் அக்லி படத்தில் இணைந்ததாக தகவல் கசிந்தது. இவர்கள் இருவருமே அஜித்துக்கு ஜோடி இல்லையாம், முக்கிய கேரக்டரில் நடிக்க உள்ளார்களாம்.

இதனால் அஜித்துக்கு ஜோடியாக நடிக்கபோவது யார் என்கிற எதிர்பார்ப்பு நிலவி வந்தது. இந்நிலையில், அது யார் என்கிற அப்டேட்டும் லீக் ஆகி இருக்கிறது. அதன்படி குட் பேட் அக்லி திரைப்படத்தில் நடிகர் அஜித்துக்கு ஜோடியாக நடிகை நயன்தாராவை நடிக்க வைக்க பேச்சுவார்த்தை நடைபெற்று வருகிறதாம். இவர் ஏற்கனவே அஜித்துடன் ஏகன், பில்லா, ஆரம்பம், விஸ்வாசம் போன்ற படங்களில் நடித்துள்ள நிலையில், தற்போது 5-வது முறையாக இணைந்திருக்கிறார் என்பது குறிப்பிடத்தக்கது.

இதையும் படியுங்கள்... Sridevi : படம் நடிச்சு பல வருஷமாச்சு.. ஆனாலும் யங் நாயகி போல அழகில் அசத்தும் ஸ்ரீதேவி விஜயகுமார் - Photos!