Nayan: கோவிலுக்கு மீண்டும் விசிட் அடித்த விக்னேஷ் சிவன் -நயன்தாரா ஜோடி...மாலையுடன் வெளியே வந்த வைரல் போட்டோ

இந்திய சினிமாவில் முக்கிய நாயகியாக வளம் வரும்  நயன்தாரா, தமிழில் சரத்குமார் நடிப்பில் வெளிவந்த  ஐயா படத்தின் மூலம் அறிமுகமானார்.

இவர் சமீப காலமாக தமிழ் படங்களில் கவனம் செலுத்தி வந்தாலும், அவ்வப்போது தெலுங்கு, மலையாளம் பாலிவுட் போன்ற பிற மொழி படங்களில் நடிப்பதையும் வழக்கமாக வைத்துள்ளார்.

இவர் தற்போது, தமிழில் விக்னேஷ் சிவன் இயக்கத்தில் உருவான ‘காத்துவாக்குல ரெண்டு காதல்’ படத்தில் விஜய் சேதுபதிக்கு ஜோடியாக சமந்தாவுடன் சேர்ந்து நடித்துள்ளார். 

முன்னதாக, போட போடி படம் மூலம் இயக்குனராக அறிமுகமான விக்னேஷ் சிவன், விஜய் சேதுபதி - நயன்தாராவை வைத்து நானும் ரெளடி தான் படத்தை இயக்கி, சூப்பர் ஹிட் ஆக்கினார். இந்த படத்தில் பணியாற்றிய போது இருவருக்கும் காதல் மலர்ந்து. 

நயன்தாரா முப்பத்தி ஏழு வயசு ஆன பிறகும் திருமணம் செய்து கொள்ளலாம் தனது காதலரும் இயக்குனருமான விக்னேஷ் சிவனுடன் அமெரிக்காவில் சுற்றி திரிந்து (living together) முறையில் வாழ்ந்து வருகிறார்.

சில காலங்களாகவே இவர்கள் இருவரும் அடிக்கடி கோவில் செல்வதை வழக்கமாக கொண்டுள்ளனர். இதையடுத்து, நயன்தாராவும், விக்னேஷ் சிவனும் விரைவில் திருமணம் செய்து கொள்ள இருப்பதாக கூறப்படுகிறது. 

சமூக வலைத்தளங்களில் , தற்போது எல்லா இடங்களிலும் நயன்தாரா, விக்னேஷ் சிவன் திருமணம் பற்றி பேச்சுக்கள் அதிக அளவில் இடம்பெற்றுள்ளது. 

ஒரு புறம், அவர்களுக்கு ஏற்கனவே ரகசியமாக திருமணமாகிவிட்டதாக பேச்சு கிளம்பியிருக்கிறது. அதற்கு முக்கிய காரணம் நெற்றி வகிட்டில் குங்குமம் வைத்து கோவிலில் எடுக்கப்பட்ட விக்னேஷ் சிவன், நயன்தாரா வீடியோவாகும். 

விக்னேஷ் சிவனை திருமணம் செய்து கொள்ள முடிவு செய்துள்ள நயன்தாரா, திருமணத்துக்கு பிறகும் படங்களில் தொடர்ந்து நடிக்க இருப்பதாக சொல்லப்படுகிறது.

இந்த நிலையில் தற்போது, சென்னை மயிலாப்பூரில் உள்ள சாய்பாபா கோயிலுக்கு சென்று சாமி தரிசனம் செய்துள்ளனர். நயன்தாராவும், விக்னேஷ் சிவனும் ஜோடியாக கையில் மாலையுடன் கோவிலில் இருந்து வெளியே வரும் புகைப்படங்கள் இணையத்தில் செம்ம வைரலாக பரவி வருகிறது.