மொத்தம் 12.. எல்லா மொழியிலும் கமிட்மென்ட்.. அடுத்த ஆண்டும் செம பிசி - படங்களை அடுக்கும் ராக் ஸ்டார் அனிரூத்!
Anirudh Ravichandran : கடந்த 2012ம் ஆண்டு வெளியான தனுஷின் 3 என்ற படத்தின் மூலம் திரையுலகில் "கொலை வெறியோடு" களமிறங்கிய இசையமைப்பாளர் தான் அனிரூத்.
Three Movie
தன்னுடைய இந்த 11 ஆண்டு கால பயணத்தில் ராக் ஸ்டார் என்ற அந்தஸ்திற்கு உயர்ந்துள்ளார் அனிரூத் என்றால் அது மிகையல்ல. ஹிந்தி, தெலுங்கு மற்றும் தமிழ் என்று பல மொழிகளில் பிஸியாக பயணித்து வரும் அனிருத் இசையில் இந்த ஆண்டு மட்டும் மூன்று வெற்றி படங்கள் வெளியாகியுள்ளது. ஜவான், ஜெயிலர் மற்றும் லியோ ஆகிய மூன்று படங்களும் வசூல் சாதனை புரிந்த படங்கள்.
Rajinikanth
பின்னணி பாடகராகவும் பயணித்து வரும் அனிருத் அவர்களின் இசையில் எதிர்வரும் 2024ம் ஆண்டில் 12 படங்கள் வெளியாகவுள்ளதாக கூறப்படுகிறது. எதிர்வரும் 2024ம் ஆண்டில் வெளியாகவுள்ள சூப்பர் ஸ்டாரின் வேட்டையன் மற்றும் அவரது 171வது படத்திற்கு அனிருத் தான் இசையமைக்க உள்ளார். அதே போல உலக நாயகனின் இந்தியன் 2 படத்திற்கும் அவர் தான் இசையமைப்பாளர் என்பது குறிப்பிடத்தக்கது.
Rockstar Anirudh
மேலும் தல அஜித் அவர்களின் விடாமுயற்சி, சிவகார்த்திகேயனின் 23வது படம், பிரதீப் நடிப்பில் விக்னேஷ் சிவன் இயக்கும் LIC படத்திற்கும் அனிரூத் தான் இசையமைக்கிறார். நெல்சன் திலீப்குமார் தயாரிக்கும் அவரது உதவி இயக்குனரின் படத்திற்கும் அனிருத் தான் இசை, இது கவினின் 4வது படமாகும். தெலுங்கில் ஜூனியர் NTRருடன் தேவரா, தமிழில் அன்பு மற்றும் அறிவு இயக்கும் புதிய படம், விஜய் தேவரகொண்டாவின் 12வது படம், அல்லு அர்ஜுனின் அடுத்த படம் மற்றும் ஆகாஷ் அதர்வாவின் படம் என்று அடுத்த ஆண்டு செம பிஸியாக உள்ளார் அனிருத்.
சேனலை கிளிக் செய்து பின்தொடரவும்
